| e-texts navigator |
| Wylie |
150b1 དུ་འདུད་ཅིང་ཕྱག་ཀྱང་འཚལ།། མཁའ་ལྟར་དགོས་པ་སྐུ་ལས་འཆར་བའི་སྐུ།། དཔེ་མེད་མཁའ་འདྲའི་བརྡལ་བ་ཆེན་པོ་ལ།། ཡང་ནས་ཡང་དུ་འདུད་ཅིང་ཕྱག་ཀྱང་འཚལ།། རྣམ་གྲོལ་ཡེ་གྲོལ་འཁོར་བ་ཀུན་གྲོལ
150b2 བས།། གྲོལ་བའི་རྒྱས་པོ་མི་གཏོང་འདུད་པར་བགྱི།། དངས་སྙིགས་བླང་དོར་མེད་པ་གཅིག་པུ་བ།། རྒྱུ་འབྲས་མི་འབྱེད་རྣམ་པར་དག་པའི་ཆོས།། རྣམ་ཐར་ལམ་དང་མི་མཐུན་རྣམ་གྲོལ་ཆོས།། ཟབ་མོ་ཟབ་མོ་དམ
150b3 པ་འབྲས་བུའི་ཆོས།། འདི་འཆང་ཀློག་དང་གུས་དང་སེམས་པ་དང་།། དད་མོས་ཁ་གསགས་མ་ཡིན་རྣལ་མ་ལ།། འདུད་ཅིང་འདུད་ཅིང་བཞིན་ཕྱག་འཚལ་བར་བགྱི།། ཞེས་རྒྱུད་དང་རྒྱུད་ཀྱི་བདག་པོ་ལ་བསྟོད
150b4 པས།། རྒྱུད་ཀྱི་སྟོན་པ་རྡོ་རྗེ་སེམས་དཔའ་ཉིད་ལ་གཟིགས་ཏེ།། སྤྱན་བགྲད་ཞལ་གདངས་ནས། རྡོ་རྗེ་སེམས་དཔའ་ཁྱོད་ལས་ལྷག་མེད་དེ།། བྱང་ཆུབ་རྙེད་དཀའ་དེ་ཉིད་ཁྱོད་ཀྱི་སྐུ།། དུས་གསུམ་སངས་རྒྱས
150b5 རྣམས་ཀྱིས་རྟོགས་དཀའ་བའི།། གཉིས་མེད་རང་བཞིན་གནས་པའི་ཆོས་འདི་ལ།། འདི་ལས་སངས་རྒྱས་གཞན་ན་ཡོད་མ་ཡིན།། ང་ལ་རྩོལ་བའི་དོན་ཆེན་ཡེ་མིན་པས།། མི་གཡོ་རང་བཞིན་གནས་པའི་སྨན་ཆེན
150b6 འདིས།། སངས་རྒྱས་སེམས་ཅན་མ་ལུས་ཐམས་ཅད་ཀྱང་།། མཐོང་བ་ཙམ་གྱིས་རྣམ་དག་གྲོལ་བྱའི་ཕྱིར།། རྨད་བྱུང་བྱང་ཆུབ་སེམས་ནི་གཏད་དོ་གཏད།། ཐུགས་ཀྱི་ཐུགས་ཏེ་ཡེ་ཤེས་ཉི་མ་ཡི།། འཁོར་ལོ་ཉིད་ལས
iiif viewer powered by OpenSeadragon
