| e-texts navigator |
| Wylie |
150a1 ངོ་མཚར་ཆེ།། བསྐལ་པའི་མེ་བཞིན་ཐམས་ཅད་བསྲེག་པ་ལ།། ཐམས་ཅད་མ་ལུས་འདུས་པ་ངོ་མཚར་ཆེ།། རལ་གྲི་བཞིན་དུ་ཐམས་ཅད་གཅོད་པ་ལ།། ཐམས་ཅད་མ་ལུས་འདུལ་བ་ངོ་མཚར
150a2 ཆེ།། འཁོར་ལོ་འཁོར་བ་བཞིན་དུ་ཅི་ཡང་མ་བསྐོར་བར།། ཐམས་ཅད་མ་ལུས་བསྲུང་བ་ངོ་མཚར་ཆེ།། ཐམས་ཅད་མ་ལུས་ཀུན་བཟང་ཉིད་ཀྱི་ངང་།། བྱང་ཆུབ་ཀྱི་སེམས་རྨད་དུ་བྱུང་བའི་རྒྱུད་ལས། རྒྱུད་ཀྱི་བདག
150a3 པོ་ཉིད་ཀྱིས་རྒྱུད་བཤད་པ་ལ་ངོམས་པའི་ལེའུ་སྟེ་བཅུ་པའོ།། །། དེ་ནས་བཅོམ་ལྡན་འདས་རྡོ་རྗེ་སེམས་དཔའ་ལ་སོགས་པ་རྣམས་ཀྱིས་ཕྱག་བཙལ་བསྟོད་པ།། བསླབ་བྱ་ཐམས་ཅད་རྣམ་པར་འཇིག་མཛད
150a4 པ།། མགོན་པོ་མཆོག་འཛིན་མི་གཡོ་བདེ་ཆེན་སྐུ།། ངོ་མཚར་ཐབས་ཆེན་སྟོན་པའི་དཔའ་བོ་ལ།། དུས་གསུམ་རྟག་པར་འདུད་པའི་བཞིན་ཕྱག་འཚལ།། ཆེ་བ་ལྔ་རྫོགས་སངས་རྒྱས་སྙིང་པོ་ལ།། སངས་རྒྱས་མ
150a5 ལུས་ཐམས་ཅད་འདུས་པར་བགྱི།། བལྟ་བ་མི་སྤང་སྐུ་ལ་ངོམས་པར་བལྟ།། འདུ་འབྲལ་མེད་པའི་སྤྱོད་པ་ལྷག་པར་འཛིན།། འདི་ལ་མོས་པའི་སངས་རྒྱས་ཐམས་ཅད་ལ།། སྐུ་ལ་བསྟོད་པ་བཞིན་དུ་ཕྱག་ཀྱང
150a6 འཚལ།། བྱང་ཆུབ་སེམས་དཔའ་འདི་ལ་སུ་མོས་པའི།། སེམས་ཅན་དེ་ལའང་རྟག་པར་བཞིན་ཕྱག་འཚལ།། ངོ་མཚར་རྨད་ཀྱི་ཆོ་འཕྲུལ་སྟོན་པ་ཡི།། ཁམས་གསུམ་ཡོངས་སྒྲོལ་སེང་གེའི་རྒྱལ་པོ་ལ།། ཡང་ནས་ཡང
iiif viewer powered by OpenSeadragon
