| e-texts navigator |
| Wylie |
13b1 རྣལ་འབྱོར་རོ།། ཡང་དག་ལམ་ལ་ཡི་གེ་མེད།། སྙིང་པོ་ཉིད་དུ་བདག་འཇུག་པས།། ཐོབ་པ་མེད་ཅིང་སྤང་བ་མེད།། རིག་པའི་ཐུགས་ལ་གསལ་བས་གསང་།། བྱང་ཆུབ་སེམས་ཀྱི་ཡེ་ཤེས་ནི།། རྣམ་ཤེས་དམིགས
13b2 པའི་ཡུལ་ལས་འདས།། རིག་པ་འོད་གསལ་གཟུང་འཛིན་མེད།། བྱང་ཆུབ་སྙིང་པོར་བཞུགས་པའི་ཚེ།། ངོ་བོ་ཉིད་ནི་དམིགས་སུ་མེད།། ཡེ་ཤེས་ཀུན་བཟང་རྣམ་པར་དག། འབར་བའི་ཏིང་འཛིན་ངོ་མཚར་ཆེ།། རང
13b3 གསལ་རིག་པ་ཅིར་མི་དགོངས།། བདེ་གཤེགས་འཁོར་ལོ་ངོ་བོ་ནི།། མི་འཇོམས་པ་ཡི་རྡོ་རྗེ་འཆང་།། ཀུན་བྱུང་རིན་ཆེན་ལྟ་བུའི་འོད།། སྐྱོན་ཁྱད་མ་གྲུབ་འོད་གསལ་ཉིད།། བཅོས་མེད་དགོངས་པ་ཅི་ཡང
13b4 མིན།། གཞན་ན་དེ་ལ་དེ་བཞིན་པ།། ཤེས་པ་དུ་མ་གང་མ་ངེས།། དེ་འོད་ཉིད་ལ་དེ་ལྟར་འགྱུར།། རྩོལ་འཇུག་གང་དག་དེ་དོན་ལ།། མཐར་འགྱུར་དེ་བཞིན་དེ་ལ་འབྱུང་།། དེས་ན་གནས་པའི་དོན་ཡིན་ན།། བདེ
13b5 ལྡན་རིག་པའི་སངས་རྒྱས་ལ།། རྟོག་པའི་རྣམ་པ་ཀུན་མེད་པས།། གང་ཞིག་འབྲས་བུ་ཇི་ལྟར་འདོད།། སྦྱོར་ལྡན་དོན་ལ་ཡིན་པས་ན།། དེ་བཞིན་ཐམས་ཅད་དག་པར་འགྱུར།། ཞེས་གསུངས་སོ།། བྱང་ཆུབ་ཀྱི
13b6 སེམས་རིན་ཆེན་འཁོར་ལོ་ལས། རིག་པ་རྒྱུ་རྐྱེན་གྱིས་མ་བསྐྱེད་པའི་ལེའུ་སྟེ་བཅུ་པའོ།། །། བྱང་ཆུབ་ཀྱི་སེམས་རིན་ཆེན་འཁོར་ལོ་ཞེས་བྱ་བའི་རྒྱུད་རྫོགས་སོ།། །། བར་འདིར་རྡོ་རྗེ་སེམས་དཔའ་ནམ་མཁའ་ཆེ
iiif viewer powered by OpenSeadragon
