| e-texts navigator |
| Wylie |
13a1 ཏོ།། སེམས་ཉིད་གསང་བ་སྔགས་ཀྱི་ལྷ།། རང་བཞིན་དག་པས་སྦྱང་མི་དགོས།། ལྡན་པ་དེ་ཉིད་ཙམ་དུ་ཟད།། རང་རིག་རྫོགས་པའི་ཡེ་ཤེས་ལ།། ངོ་བོར་གྲུབ་པ་གང་ཡང་མེད།། རྟོག་པའི་མཐུ་ཡིས
13a2 ཅིར་ཡང་མཐོང་།། མེ་ལོང་དག་པའི་གཟུགས་བརྙན་ལྟར།། ཡེ་ཤེས་གསང་བའི་གདམས་པ་ཡིས།། རིག་པའི་ཡེ་ཤེས་ཀུན་ཏུ་བཟང་།། ཡི་གེ་མེད་པའི་དོན་དུ་མཐོང་།། རང་གསལ་རྗེས་སུ་རང་བཞག་ན།། ཡེ་ཤེས
13a3 རྫོགས་པ་རྗེས་སུ་དཔག། རང་རིག་རྫོགས་པ་ཉིད་ན་གསལ།། ཡེ་གསལ་རིག་པའི་འཁོར་ལོ་ལ།། འདོད་པའི་བློ་ཡིས་གང་རྩོལ་བ།། རང་འདོད་ཐེག་པའི་ཁྱད་པར་ནི།། གསང་བའི་དོན་ལ་མ་ལུས་སྟོང་།། འདོད
13a4 པའི་སྟོབས་ཀྱིས་ཕོངས་ནས་རྩོལ།། རང་གསལ་འཁོར་ལོའི་དོན་དང་འགལ།། འདོད་རྒྱས་གསལ་བའི་ཡེ་ཤེས་ཀྱང་།། རྩོལ་བ་ཉིད་ལས་འདའ་བ་མེད།། རྫོགས་པའི་ཡེ་ཤེས་བདེ་ཆེན་ནི།། རང་བཞིན་རིག་པའི
13a5 འཁོར་ལོས་དག། རྣམ་དག་རང་བྱུང་འོད་གསལ་ལ།། གློ་བུར་སྒྲིབ་པ་ངང་གིས་མེད།། རང་བཞིན་མ་ཡིན་རྐྱེན་གྱིས་སྣང་།། རང་བཞིན་ངོ་བོ་གང་དག་ནི།། གློ་བུར་རྐྱེན་ལ་རག་ལས་མིན།། རང་གསལ་རིག་པའི
13a6 རང་བཞིན་དང་།། འཁོར་བའི་རྟོག་པའི་རང་བཞིན་གཅིག། གང་ལ་སྤང་བྱ་མ་ཡིན་ཏེ།། གང་གི་རྣམ་པ་དེ་གང་བཞིན།། དེ་བཞིན་འགྱུར་བ་དེ་ཉིད་མེད།། སེམས་ནི་ཇི་བཞིན་མཉམ་པ་ཉིད།། སངས་རྒྱས་ཐུགས་ཀྱི
iiif viewer powered by OpenSeadragon
