| e-texts navigator |
| Wylie |
137b1 སྟོབས་ཀྱིས་བསོད་ནམས་ཆེར་འཕགས་པས།། དོན་འདི་ཡུད་ཙམ་རྟོགས་པ་ཁྱད་པར་འཕགས།། སོ་སོ་མ་ཡིན་མཉམ་པའི་སྙིང་པོ་ལ།། བསོད་ནམས་དཔག་ཏུ་མེད་པ་ཀུན་རྫོགས་ཏེ།། ང་ལ་ང་མེད་ཀུན་ལ་རྣམ
137b2 པར་རོལ།། རྨད་བྱུང་བྱང་ཆུབ་སེམས་འདི་དངོས་པོ་དག། ཡེ་ནས་སངས་རྒྱས་སེམས་ཅན་མིང་མ་གྲགས།། ཅིར་ཡང་འཕྲུལ་ཆེན་སྟོན་པའི་འཕྲུལ་པོ་ཆེ།། ཁམས་གསུམ་ཀུན་རྫོབ་ཁམས་གསུམ་རིན་པོ་ཆེ།། ཆོས
137b3 འདི་བརྟག་པར་དཀའ་ཕྱིར་ཐམས་ཅད་བདུད་ཀྱི་ལས།། སྐུ་ལྔ་ལྷུན་གྱིས་རྫོགས་པའི་དཀྱིལ་འཁོར་ཏེ།། ཕྲ་ཞིང་ཟབ་མོ་ཀུན་གྱི་ས་བོན་གྱི།། དུས་འདི་སྒྱུ་མ་ཡིན་པས་གཞིག་ནས་དེ་ཉིད་ལ།། བརྟགས་ནས་རང
137b4 བཞིན་ཤེས་པ་བྱང་ཆུབ་རྨད།། དེ་ཕྱིར་ལུས་འདི་བརྟགས་ལ་རྨད་བྱུང་བཙལ་བར་བྱོས།། གཅིག་གི་རང་བཞིན་ཤེས་ན་ཀུན་གྱི་རང་བཞིན་ཤེས།། ཀུན་གྱི་རང་བཞིན་རང་བཞིན་ཉིད་དུ་གཅིག། སོ་སོ་མ་ཡིན་ཐ་དད
137b5 མིན་ཏེ་རྨད་བྱུང་ཡིན།། བྱང་ཆུབ་རྨད་བྱུང་དེ་བཞིན་གཤེགས་པའི་སྐུ།། འོད་དཔག་མེད་པའི་ཆོས་སྤུ་བྱང་ཆུབ་སེམས།། ཆེ་བ་ལྔ་ཡི་སྙིང་པོ་ཁ་དོག་རྫོགས།། ཆོས་རྣམས་ཐམས་ཅད་རྟག་པ་ཉིད་ཀྱི་རོལ།། ཆེན་པོ་ལྔ
137b6 ཡི་སྔོན་དུ་རྨད་དུ་བྱུང་།། ཡང་དག་སྙིང་པོ་འདུ་ཤེས་དག་པ་ཡི།། ལྕགས་ཀྱུས་བཟུང་བས་བསྟན་དུ་བཟུང་བར་རུང་།། དེ་རླབས་དེ་ལ་བརྟེན་པའི་དེ་རྙེད་འགྱུར།། བརྟག་པར་དཀའ་ལ་བསྟན་པར་དཀའ་ཕྱིར་དེ་ལྟར
iiif viewer powered by OpenSeadragon
