| e-texts navigator |
| Wylie |
136b1 སོགས་སྨོས་ཅི་དགོས།། བྱང་ཆུབ་སེམས་དཔའ་རྣམས་ཀྱིས་ཀྱང་།། རྨད་བྱུང་འདི་ནི་རིག་པར་དཀའ།། གཞི་རྩ་མེད་པའི་དོན་གྱི་མཆོག། ཅིས་ཀྱང་མཚོན་དུ་མེད་པས་ན།། སངས་རྒྱས་ཀྱིས་ཀྱང་རྟོགས་པར
136b2 དཀའ།། ཀུན་གྱི་རང་བཞིན་ཞི་བ་འདི།། བསམ་ཞིང་བླ་མེད་ལམ་མཆོག་སྟེ།། མ་བྱུང་མི་སྐྱེས་སྙིང་པོ་འདི།། མཚན་མ་ནམ་མཁའ་དངོས་བྲལ་ཏེ།། གདོད་ནས་བྱང་ཆུབ་བྱང་ཆུབ་ཀྱང་།། གྲུབ་པ་མེད་ཕྱིར་དགོངས
136b3 མི་འགྱུར།། སྟོང་གསུམ་སྟོང་གི་འཇིག་རྟེན་ཁམས།། མཐའ་ཡས་མུ་མེད་གདལ་བ་ཡང་།། རྨད་བྱུང་བྱང་ཆུབ་དཀྱིལ་འཁོར་ཡིན།། ཉེ་ལམ་བདེ་རྫོགས་བླ་ན་མེད་པའི་ལམ།། རྟོགས་མ་ཟག་ཏུ་གོ་འཕང་ཆེན་པོ
136b4 ཡང་།། བླང་དོར་མེད་པ་ཆོས་སྐུ་དཔག་མེད་ཐོབ།། བྱང་ཆུབ་ཀྱི་སེམས་རྨད་དུ་བྱུང་བའི་རྒྱུད་ལས། གླེང་གཞིའི་ལེའུ་སྟེ་དང་པོའོ།། །། དེ་ནས་བཅོམ་ལྡན་འདས་ཐབས་ལ་མཁས་པའི་ཐུགས་རྗེ་ཆེན་པོའི
136b5 བདག་ཉིད་ཀྱིས། ཟབ་མོ་ཟབ་མོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ཆེད་དུ་བརྗོད་པ་འདི་བརྗོད་དོ།། སངས་རྒྱས་སྤྲུལ་པ་འབྱུང་བ་རྙེད་པར་དཀའ།། ཡང་དག་རྨད་བྱུང་རྟོགས་པ་དེ་ཡི་ཆར་མི
136b6 ཕོད།། དལ་བ་འབྱོར་བ་རྙེད་པར་རབ་ཏུ་དཀའ།། དེ་བཞིན་སྐུ་གསུང་ཐུགས་ཀྱི་དཀྱིལ་འཁོར་ཉིད།། གསང་བ་རྨད་བྱུང་ཉིད་ཀྱིས་རབ་ཏུ་བསྡུས།། ཆོས་ཀྱི་མཚན་ཉིད་ཡེ་ནས་རྣམ་པར་དག། བདག་མེད་ངོ་བོ་མེད
iiif viewer powered by OpenSeadragon
