| e-texts navigator |
| Wylie |
134a1 མིན།། གངས་ཀྱི་སེང་གེའི་གདངས་ཕྱུང་ན།། སྡེར་ཆགས་ཕལ་དང་གདངས་མི་མཉམ།། གདངས་སྐད་འདི་ཡང་ཐུན་མོང་མིན།། རྒྱ་མཚོ་ཆེན་པོའི་རླབས་མཐོང་ན།། ཆུ་ཕྲན་ཕལ་དང་རླབས་མི
134a2 མཉམ།། རྦ་རླབས་དེ་ཡང་ཐུན་མོང་མིན།། རི་རྒྱལ་ལྷུན་པོའི་རྩེར་ཕྱིན་ན།། རི་བྲན་ཕལ་དང་འཕང་མི་མཉམ།། རྩེ་རྒྱལ་འདི་ཡང་ཐུན་མོང་མིན།། མཐའ་གསལ་ཉི་ཟླ་འདི་མཐོང་ན།། གཟའ་སྐར་ཕལ་དང་འོད་མི
134a3 མཉམ།། འོད་གསལ་འདི་ཡང་ཐུན་མོང་མིན།། ཁྱུང་ཆེན་ནམ་འཕང་གཅོད་མཐོང་ན།། འདབ་ཆགས་ཕལ་དང་ཤུགས་མི་མཉམ།། རྩལ་ཤུགས་འདི་ཡང་ཐུན་མོང་མིན།། རྡོ་རྗེ་ཐེག་པའི་གཏིང་མཐོང་ན།། ཐེག
134a4 གཞན་ཕལ་དང་གཏིང་མི་མཉམ།། གཏིང་དཔག་འདི་ཡང་ཐུན་མོང་མིན།། ཤེས་རྒྱུད་སྦྱངས་པའི་མཁས་པ་དང་།། ཟོས་པ་ཆུང་བའི་བློ་སྦྲམ་གཉིས།། འགྲོ་བའི་དོན་ལ་དོན་མི་མཉམ།། དོན་མཆོག་འདི་ཡང་ཐུན
134a5 མོང་མིན།། རྨད་དུ་བྱུང་བ་རྫོགས་སོ།། བར་འདིར་ཐོག་གི་འབྱུང་བའི་ལེའུ་བཅོ་ལྔ་པ་འཛུད། རྒྱ་གར་སྐད་དུ། བོ་དྷི་ཙིཏྟ་ཨཱཤྩཔྤ་ཏནྟྲ། བོད་སྐད་དུ། བྱང་ཆུབ་ཀྱི་སེམས་རྨད་དུ་བྱུང་བའི་རྒྱུད། བཅོམ་ལྡན་འདས་དཔལ་ཀུན་ཏུ་བཟང
134a6 པོ་ལ་ཕྱག་འཚལ་ལོ།། འདི་སྐད་འདག་གིས་ཐོས་པའི་དུས་གཅིག་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཐམས་ཅད་དབྱེར་མེད་པའི་བདག་ཉིད། གཟུགས་ཅན་མ་ཡིན་པའི
iiif viewer powered by OpenSeadragon
