| e-texts navigator |
| Wylie |
133a1 ཆུབ་སེམས་རྡོ་རྗེའོ།། གསུང་ལ་ཡང་གསུམ་སྟེ། ངེས་པའི་ཚིག་དང་། བརྗོད་པར་བྱ་བ་དང་། ཐམས་ཅད་དུ་སྤྲོས་པའོ།། བྱང་ཆུབ་སེམས་རྨད་དུ་བྱུང་བ་འདིས། ཁམས་གསུམ་དབང་དུ་སྡུད་དེ།
133a2 མས་ནད་ཀྱི་སྲོག་འཛིན་པའི་ཕྱིར་ཀུན་ཏུ་བཟང་མོའི་མཁའ་བྷ་ག་རྒྱ་མཚོའི་དབྱིངས་སུ་ཐིམ་ལ། སྐུ་གསུང་ཐུགས་ལྷུན་གྱིས་གྲུབ་སྟེ། བྱ་རྩོལ་ལས་འདས་ནས། རིག་པའི་རྒྱལ་པོ་རང་དབང་དུ་གྱུར་ཏེ། ཡེ་ཤེས་ཀྱི
133a3 སྣང་བ་ཆེན་པོ་རང་ལ་འཆར་བའི་ཕྱིར། ཀུན་ཏུ་བཟང་མོའི་མཁའ་བདེ་བ་ཆེན་པོའི་ཀློང་དུ་བསྡུས་སོ།། དེ་གཉིས་སུ་མེད་པ་ལས། སེམས་རིན་པོ་ཆེ་སྐྱེ་བ་མེད་པའི་དོན་ཕྱིན་ཅི་མ་ལོག་པ་ཚིག་དང་ཡི་གེའི་མཚན་མ
133a4 ལས་འདས་ཏེ། རང་བཞིན་དང་ཁ་དོག་ཅིར་ཡང་སྟོན་ཅིང་འགྱུར་བ་མེད་པའི་དབྱིངས་བདེ་བ་ཆེན་པོའི་ཀློང་ཡངས་པ་ན། རྟག་པ་ཆེན་པོ་གཡུང་དྲུང་གི་སྐུ་བཞུགས་སོ།། བྱང་ཆུབ་ཀྱི་སེམས་རྨད་དུ་བྱུང་བ་ལས།
133a5 བྱང་ཆུབ་སེམས་ཀྱི་ངེས་ཚིག་བསྟན་པའི་ལེའུ་སྟེ་སུམ་ཅུ་བདུན་པའོ།། །། ལེའུ་འདི་ལས་བྱང་ཆུབ་སེམས་རྨད་དུ་བྱུང་བའི་ཡོན་ཏན་བསྟེན་ཏེ། བྱང་ཆུབ་སེམས་བསྒོམ་པའི་དོན་བསྟན་པ། གཞུང་ནས། ཁམས
133a6 གསུམ་རིན་ཆེན་རྙེད་པའི་མི་ཞེས་འབྱུང་བ་ནི། དཔེར་ན། བྱང་ཆུབ་སེམས་རྨད་དུ་བྱུང་བའི་དོན་རྟོགས་པ་ནི། མཆོད་དང་མཆིང་བུའི་ནོར་བུ་རིན་ཆེ་བ་ཡང་། བཻ་ཌཱུརྱ་ལུག་ཤིག་ཙམ་གྱི་འོད་ཀྱིས། རི་དེ་རི་ལ་དང
iiif viewer powered by OpenSeadragon
