| e-texts navigator |
| Wylie |
131b1 ཚུལ་བསྟན་པའོ།། དབྱིངས་དང་ཡེ་ཤེས་སུ་གསལ་བས། སྐུའི་དངོས་པོ་དང་བྲལ་བས་རགས་པའི་ཏིང་ངེ་འཛིན་སྤངས་པས། ཐམས་ཅད་འོད་ཀྱི་དཀྱིལ་འཁོར་དུ་བསྟན་པ་དང་། ཤེས་པ་དང་ཤེས་བྱ་རྟོགས་པས
131b2 སངས་རྒྱས་ཀྱི་དགོངས་པ་མ་འདྲེས་པར་དོན་ཐུགས་སུ་ཆུད་པར་བསྟན་པ་དང་། ནམ་མཁའ་ལྟ་བུར་ཀུན་ལ་ཁྱབ་ཅིང་། རེ་དོགས་དང་འཁོར་བའི་ཆོས་མེད་པར་བསྟན་པ་དང་། རང་གི་རིག་པའི་བྱང་ཆུབ་ཀྱི
131b3 སེམས་རྟོགས་པའི་འབྲས་བུ་དུས་གསུམ་མི་འགྱུར་བར་བསྟན་པའོ།། བྱང་ཆུབ་ཀྱི་སེམས་ཁྱབ་གདལ་ཆེན་པོ་ལ་ཡང་དོན་དྲུག་སྟེ། གསང་བ་མཆོག་གི་དཀྱིལ་འཁོར་གྱི་དོན་རྟོགས་པས་ན་ར་ཧ་པའི་དབྱིངས་བགྲོད
131b4 པར་བསྟན་པ་དང་། འདུ་འབྲལ་མེད་པའི་དོན་བྱ་རྩོལ་ལས་འདས་པར་བསྟན་པ་དང་། ལུང་གི་ཤ་ཐང་ཕྱི་ནས་མན་ངག་གི་ཐོག་ཏུ་འབེབས་པར་བསྟན་པ་དང་། དམ་ཚིག་གི་སྡོམ་པ་ལ་གནས་ཤིང་སྐུ་གསུང་ཐུགས
131b5 ཀྱི་འབྲས་བུ་ཐོབ་པར་བསྟན་པ་དང་། རྒྱལ་བ་ཐམས་ཅད་ཀྱི་གཏེར་བྱང་ཆུབ་ཀྱི་སེམས་རྨད་དུ་བྱུང་བ་ཡིན་པར་བསྟན་པ་དང་། རྒྱུ་འབྲས་ཀྱི་ཆོས་ཐམས་ཅད་ཇི་ལྟར་བསྟན་ཀྱང་སེམས་ཉིད་མ་སྐྱེས་པ་ལས་སྐྱེ་བའི
131b6 ཆོ་འཕྲུལ་འབྱུང་བར་བསྟན་པའོ།། བྱང་ཆུབ་ཀྱི་སེམས་མྱ་ངན་ལས་འདས་པར་བསྟན་པ་ལ་ཡང་དོན་རྣམ་པ་གསུམ་སྟེ། ཡེ་ནས་སངས་རྒྱས་ཏེ་མྱ་ངན་ལས་འདས་པའི་དབྱིངས་ན་མི་དམིགས་པའི་རྒྱལ་པོའི་ཕྱོགས
iiif viewer powered by OpenSeadragon
