| e-texts navigator |
| Wylie |
131a1 སེམས་ཀྱི་རང་བཞིན་བསྟན་པ་ལ་དོན་གཉིས་ཏེ། སྣང་ཞིང་སྲིད་པའི་ཆོས་ཐམས་ཅད་ཡེ་ནས་མ་བཅོས་པར་སངས་རྒྱས་པར་བསྟན་པ་དང་། དེ་ལྟར་རིག་ཅིང་རྟོགས་ན། འབྲས་བུ་གཞན་ནས་བཙལ
131a2 དུ་མེད་པར་བསྟན་པའོ།། བྱང་ཆུབ་སེམས་ཀྱི་ངེས་ཚིག་བསྟན་པ་ལ་ཡང་དོན་རྣམ་པ་གསུམ་སྟེ། ལུང་ངེས་པ་དང་མན་ངག་གསང་བ་འདི་སྤྲོས་པ་མེད་པའི་བྱང་ཆུབ་སེམས་སུ་བསྟན་པ་དང་། གཟུང་འཛིན་གྱི་ཡུལ
131a3 དང་བྲལ་བར་བསྟན་པ་དང་། བྱང་ཆུབ་སེམས་ལས་མ་གཏོགས་པའི་ཆོས་འཇིག་རྟེན་ནས་བཙལ་དུ་མི་རྙེད་པར་བསྟན་པའོ།། བྱང་ཆུབ་སེམས་ཀྱི་རྒྱུ་འབྲས་ཀྱི་དོན་བསྟན་པ་ལའང་བཞི་སྟེ། ཐམས་ཅད་འབྱུང་བའི
131a4 རྒྱུ་ཡུམ་ཀུན་ཏུ་བཟང་མོའི་དབྱིངས་ཀློང་ཡངས་པའི་ཐིག་ལེར། འབྲས་བུ་བྱང་ཆུབ་ཀྱི་སེམས་ཀུན་ཏུ་བཟང་མོར་བཤད་པར་བསྟན་པ་དང་། རྟོགས་པའི་ཡེ་ཤེས་ཀྱི་རིག་པ་རང་ལས་འཆར་བར་བསྟན་པ་དང་། ཆོས
131a5 སྐྱེ་འགག་མེད་པའི་ངང་ལས་ཀྱང་། ཐུགས་རྗེ་ཐབས་མཁས་པའི་བྱེ་བྲག་སྣ་ཚོགས་སུ་བསྟན་པ་དང་། ཕུང་པོ་ཁམས་དང་སྐྱེ་མཆེད་ལྷའི་སྐུ་ཕྱག་རྒྱ་ཆེན་པོར་བསྒོམས་པས། དུས་གསུམ་དུ་འདུས་མ་བྱས་པའི་སྙིང་པོ
131a6 ཡེ་ཤེས་ཀྱི་རིག་པ་ཙིཏྟའི་དཀྱིལ་དུ་འཆར་བར་བསྟན་པའོ།། བྱང་ཆུབ་སེམས་ཀྱི་མཐར་ཐུག་པ་མེད་པ་ལ་ཡང་དོན་ལྔ་སྟེ། ཐབས་དང་ཤེས་རབ་ཏུ་བསྒོམས་པས། རིགས་ལྔ་སངས་རྒྱས་ཀྱི་སྐུ་མདོག་དང་བཞུགས
iiif viewer powered by OpenSeadragon
