| e-texts navigator |
| Wylie |
12b1 བཟུང་མེད།། རྣམ་དག་རང་བྱུང་དཀྱིལ་འཁོར་གསུམ།། མ་སྐྱེས་ལྷུན་གྲུབ་བྱ་བ་མེད།། དོན་ལ་གང་འཇུག་སྦྱོར་ལྡན་རྣམས།། ཡི་གེ་བརྡ་མེད་གཉིས་མེད་གསལ།། སྒྱུ་མ་བྱ་བྲལ་རིག་པས་རྟོགས།། རང་སྣང་རིག
12b2 པའི་འོད་ལ་བཞུགས།། བསམ་མེད་རང་བཞག་ས་ལེ་བ།། ཅི་ཡང་མ་ཡིན་གྱི་ན་བ།། རང་གསལ་ཡེ་ཤེས་ཉི་མའི་འོད།། ཀུན་བཟང་རྒྱལ་བའི་ཐུགས་དམ་མོ།། ཞེས་གསུངས་སོ།། དེ་ནས་སེམས་དཔའ་རྡོ་རྗེས་འདི
12b3 སྐད་ཅེས་ཞུས་སོ།། སྣང་མེད་རང་སྣང་བདེ་ཆེན་ལ།། བརྟགས་པའི་སྣང་བས་གཉིས་སུ་མཐོང་།། རང་བཞིན་རྣམ་དག་གསེར་བཞིན་ཡང་།། ཐོག་མེད་དུས་ནས་དོན་མ་མཐོང་།། དུས་འདིར་སྦྱོར་འཇུག་གང་དག།
12b4 ནི།། གསང་བའི་དོན་ལ་མོས་པས་འཇུག། གསལ་བྱེད་རིན་ཆེན་སྒྲོན་མ་གང་།། འཛིན་པའི་དྲི་མ་གང་གིས་དག། བདེ་ཆེན་གསང་བ་གང་གིས་མཉེས།། ཞེས་ཞུས་སོ།། དེ་ནས་རིག་པའི་རྒྱལ་པོས་བཀའ་སྩལ
12b5 པ།། བསམ་གྱི་མི་ཁྱབ་དུས་གང་ལ།། གང་ལྡན་རིག་པའི་ལྡེ་མིག་གིས།། རིན་ཆེན་སེམས་ཉིད་ཁོང་དུ་ཆུད།། སྣང་བའི་སྣང་བ་ཅི་འགྱུར་ཡང་།། ཡིད་ལ་མི་བྱེད་རང་བཞག་ན།། འཛིན་པའི་དྲི་མ་རྣམ་པར
12b6 དག། ཅེས་གསུངས་སོ།། བྱང་ཆུབ་ཀྱི་སེམས་རིན་ཆེན་འཁོར་ལོ་ལས། དཀྱིལ་འཁོར་གསང་བའི་ལེའུ་སྟེ་དགུ་པའོ།། །། དེ་ནས་རིག་པའི་རྒྱལ་པོས་སེམས་དཔའ་རྡོ་རྗེ་ལ་འདི་སྐད་ཅེས་བཀའ་སྩལ
iiif viewer powered by OpenSeadragon
