| e-texts navigator |
| Wylie |
12a1 རྫོགས་སངས་རྒྱས།། རང་བྱུང་རིག་པ་འཁོར་མཐའ་མེད།། ལྷུན་གྲུབ་པོ་བྲང་ཆེན་པོ་ནི།། སྤྱན་དྲངས་མ་ཡིན་ཡེ་སངས་རྒྱས།། རང་བྱུང་གསལ་བའི་སྔགས་ལྡན་པའི།། ལྷ་ཡི་སྙིང་པོ་དབུལ་མི
12a2 དགོས།། བདེ་ཆེན་གསལ་བའི་དོན་ལྡན་པས།། ཡེ་ཤེས་གསང་བའི་དཀྱིལ་འཁོར་མཉེས།། རང་བྱུང་གསང་བའི་སེམས་ཉིད་ཀུན་གྱི་ལྷ།། དུས་གསུམ་འདུ་འབྲལ་མེད་པ་ཐུགས་དམ་མོ།། རྣམ་དག་རིག་པ་ཀ་དག
12a3 ལ།། ཉེས་པའི་དྲི་མ་དང་བྲལ་བའི།། ཡེ་ཤེས་དམ་ཚིག་རྣམ་པར་དག། བརྗོད་མེད་རིག་པའི་དོན་མཐོང་ན།། རང་བྱུང་གསལ་བའི་དམ་ཚིག་ཐོབ།། རང་བཞག་སེམས་ལས་མི་འདའ་ན།། མི་རྟོག་དམ་ཚིག་ཉིད
12a4 ཡིན་པས།། རང་བྱུང་དམ་ཚིག་རྣམ་པར་དག། མི་རྟོག་ཡེ་ཤེས་འཛིན་བྲལ་ལ།། བསོད་ནམས་ཡེ་ཤེས་ལྷུན་གྱིས་གྲུབ།། རྡོ་རྗེ་གསང་བའི་དཀྱིལ་འཁོར་ནི།། འགྱུར་མེད་རང་བྱུང་ཀུན་ཏུ་བཟང་།། ཡེ་ཤེས་གསང
12a5 བའི་དཀྱིལ་འཁོར་རོ།། མཐའ་དབུས་མེད་པའི་སྙིང་པོ་ལ།། སྤང་ལེན་མེད་པའི་སེམས་ཀྱིས་འཇུག། རང་བཞིན་རྣམ་དག་དབྱེ་བ་མེད།། ལྷུན་གྲུབ་རང་བཞིན་ཡེ་སངས་རྒྱས།། རང་རིག་འོད་གསལ་རྣམ་པར
12a6 དག། ཡེ་ཤེས་གང་མཚོན་མཚན་ཉིད་མཚན།། ལྷུན་གྲུབ་རང་རིག་ཀུན་ཏུ་བཟང་།། ཡེ་ཤེས་རྫོགས་པའི་དཀྱིལ་འཁོར་བལྟ།། གཟུང་འཛིན་དང་བྲལ་དྲི་མ་མེད།། ཡེ་ཤེས་སྒྱུ་མ་ཀུན་ཏུ་བཟང་།། རང་བྱུང་སྒྱུ་མ་ངོས
iiif viewer powered by OpenSeadragon
