| e-texts navigator |
| Wylie |
126a1 གསང་བའི་ཆོས་བྱང་ཆུབ་ཀྱི་སེམས་རྨད་དུ་བྱུང་བ་ལས། བསྲུང་དུ་མེད་པའི་དམ་ཚིག་གི་ལེའུ་སྟེ་ཉི་ཤུ་ལྔ་པའོ།། །། ལེའུ་འདིས་བྱང་ཆུབ་སེམས་རྨད་དུ་བྱུང་བའི་དོན། སྐྱོན་ཐམས་ཅད་དང
126a2 ཉམས་པ་བསྐང་བའི་དོན་བསྟན་ཏེ། རྡོ་རྗེ་སེམས་དཔས་སྟོན་པ་ལ་ཞུས་པ། ཆོས་ཆེན་པོ་རྨད་དུ་བྱུང་བའི་ཐུགས་རྗེ་ཇི་ལྟ་བུ། ཀུན་རིག་ཆོས་ཀྱི་རྗེ་སྟོན་པས་བཀའ་སྩལ་པ།། སྟོང་རི་གནམ་ལྕགས་ཐོག་ཆེན
126a3 གྱི།། སྐྱོན་གྱི་གངས་རི་རྩེ་ནས་བཅོམ།། བདུད་རྩིའི་རྒྱ་མཚོ་བཞུ་ནས་བསྐྱིལ།། ཏིང་འཛིན་འབུམ་ཕྲག་ཡངས་པས་ནི།། འདིས་ནི་མཉམ་པ་མེད་པའོ།། ཡང་རྡོ་རྗེ་སེམས་དཔས་སྟོན་པ་ལ་ཞུས་པ། ཐུགས་གསང
126a4 བའི་རྒྱུད་ཉིད་ལས་གསུངས་པ། རི་རབ་སུམ་བརྒྱ་ཕྲག་དགུ་ཡི།། བསྐལ་པ་ཞིང་གི་རྡུལ་སྙེད་ཀུན། ཚིག་ཆད། ཞེས་ཞུས་པས། སྟོན་པ་ཀུན་རིག་ཆོས་ཀྱི་རྗེ་བུདྡྷས་བཀའ་སྩལ་པ། སྟོང་གསུམ་གྱི་སྟོང་ཆེན་པོའི
126a5 འཇིག་རྟེན་གྱི་ཁམས་ཀུན་དང་རྨད་དུ་བྱུང་བའི་དོན་གཅིག་སྟེ། རི་རབ་སུམ་བརྒྱ་ཕྲག་དགུ་ཡང་།། རྨད་བྱུང་བྱང་ཆུབ་སེམས་འདི་ཉིད།། བསྒོམ་པའི་རྡོ་རྗེས་ཕྱེ་མར་བརླག། ཅེས་གསུངས་སོ།། དེའི་ཕྱིར་བྱང་ཆུབ
126a6 སེམས་རྨད་དུ་བྱུང་བ་འདི་ནི་སྟོང་སྤྱི་ཕུད་ཅེས་བྱ། གསུང་ནི་ཡེ་ཤེས་མཁའ་ལ་རོལ་ཞེས་བྱ། ཐུགས་ནི་ནམ་མཁའི་སྤྲང་པོ་ལ། རྡོ་རྗེའི་གཟོང་གིས་འདྲ་ཞེས་བྱའོ།། དེ་ཡང་རྨད་དུ་བྱུང་བའི་སྐུ་ནི། སྙིང་པོ་བྱང་ཆུབ་ན
iiif viewer powered by OpenSeadragon
