| e-texts navigator |
| Wylie |
125b1 པའོ།། གཟུང་འཛིན་དང་བྲལ་བས་ཡེ་ནས་སྟོང་པའོ།། མེད་པས་དམ་ཚིག་གོ། གཅིག་བསྲུངས་པས་ཀུན་ཐུབ་པར་བསྲུང་བའོ།། ཕྱལ་བས་དམ་ཚིག་ལ་ཕྱོགས་མེད་དེ་བགྲང་བ་ལས་འདས་པའོ།། སྟོང་སྤྱི་ཕུད་ཡིན
125b2 པས་གོང་ན་གཞན་མེད་པས།། གཅིག་པུ་ཨ་ཏི་ཡོ་གའི་དམ་ཚིག། རྟག་པ་གཡུང་དྲུང་གནས་པས་མི་འགྱུར་ཏེ།། ལྷུན་གྱིས་གནས་པའོ།། རྨད་དུ་བྱུང་བའི་དམ་ཚིག་ཉི་ཤུ་རྩ་ལྔར་ཡང་སྤྱོད། བསྲུང་བ་མེད་པ་སྐུ
125b3 གསུང་ཐུགས་སུ་ཆུད་དེ། ཐུགས་ལ་མི་མཁྱེན་པ་མེད་ཅིང་ཐམས་ཅད་ཐུགས་སུ་ཆུད་པས། བསྲུང་དུ་མེད་པ་དང་། བསྲུང་བ་ཐམས་ཅད་མ་རྫོགས་པ་མེད་པས་བསྲུང་དུ་མེད་པ་དང་། སྐུ་ལ་ཐམས་ཅད་ལྷུན་གྱིས
125b4 རྫོགས་ཤིང་གཞན་གྱི་ལོངས་སྤྱོད་ལ་ཐོགས་པ་མེད་པས་བསྲུང་དུ་མེད་པའོ།། དེ་ཕྱིར་བསྲུང་དུ་མེད་པའི་སྐུ་གསུང་ཐུགས།། མཁྱེན་པ་མེད་ཅིང་ཐམས་ཅད་ཆུབ།། ཐམས་ཅད་བསྲུང་བ་མེད་པ་དང་།། བསྲུང
125b5 བ་ཐམས་ཅད་རྫོགས་བྱེད་པས། བསྲུང་དུ་མེད་པ་དང་། སྐུ་ལྔ་ལྷུན་གྱིས་རྫོགས་ཤིང་བསྲུང་དུ་མེད་པའོ།། ས་ནི་མི་མཉམ་པ་དང་མཉམ་པའི་ལྷག་པའི་ཡེ་ཤེས་དང་། ཆེ་བའི་ཡོན་ཏན་རྫོགས་པའི་ཆོས་ཀུན་ཟུགས
125b6 སུ་ཆུད་པས། ཁམས་གསུམ་ལས་རྣམ་པར་རྒྱལ་བའི་བྱང་ཆུབ་ཀྱི་སེམས་རྨད་དུ་བྱུང་བ་འདི་ཉིད་ཡིན་ནོ།། གསང་བ་ཆེན་པོ་འབུམ་སྡེ་ལས། རྡོ་རྗེ་སེམས་དཔའི་རིག་པ་བསྟན་པ་དང་། གསང་བ་ཐམས་ཅད་ཀྱི་ཡང
iiif viewer powered by OpenSeadragon
