| e-texts navigator |
| Wylie |
125a1 པ་ཐོབ་སྟེ་མཁྱེན་ཏོ།། སངས་རྒྱས་ཐམས་ཅད་མཁྱེན་པའི་སངས་རྒྱས་ཐོབ་པའི་ཡེ་ཤེས་སོ།། སྐུའི་ལུས་ལ་ཀུན་འབྱུང་བའི་ཆོས་ལ་ལོངས་སྤྱོད་དོ།། སེམས་ལས་ཀུན་འབྱུང་བའི་ཆོས་ལ་ལོངས་སྤྱོད
125a2 དོ།། ངག་ལས་ཀུན་འབྱུང་བའི་ཆོས་ལ་ལོངས་སྤྱོད་དོ།། ཆོས་ཀུན་འབྱུང་བའི་ཆོས་ལ་ལོངས་སྤྱོད་དོ།། ཡུལ་བ་ར་ཎཱ་སཱིའི་གོས་བཞིན་དུ། སོ་སོར་འགོག་པ་མེད་པར་ཐུགས་སུ་ཆུད་དོ།། བྱང་ཆུབ་སེམས་ཀྱི་གསང
125a3 བའི་མན་ངག་བསྟན་ཏེ་ངེས་དོན་དུ་བཀའ་སྩལ་ཏོ།། རྡོ་རྗེ་སེམས་དཔར་ཡི་དམ་ལྷ་མེད་པས།། རྣལ་འབྱོར་དབང་ཕྱུག་གཞན་ལ་བསྟན་མི་དགོས།། བྱང་ཆུབ་རྙེད་དཀའ་དེ་ཉིད་རྒྱལ་བའི་སྐུ།། དུས་གསུམ་སངས
125a4 རྒྱས་རྣམས་ཀྱིས་རྟོགས་པར་དཀའ།། རང་རིག་ཆེན་པོ་དབྱིངས་འདི་ཉིད་ལས་བྱུང་།། སངས་རྒྱས་གཞན་ན་ཡོད་པ་མ་ཡིན་ནོ།། བྱང་ཆུབ་ཀྱི་སེམས་རྨད་དུ་བྱུང་བ་ལས། ཡོན་ཏན་ཐམས་ཅད་སྐུ་ལ་རྫོགས་པའི་ལེའུ
125a5 སྟེ་ཉི་ཤུ་བཞི་པའོ།། །། ལེའུ་འདིས་བསྲུང་བའི་དམ་ཚིག་བསྟན་ཏེ། བྱང་ཆུབ་སེམས་རྨད་དུ་བྱུང་བའི་དམ་ཚིག་བརྒྱད་ནི། ཡེ་ནས་མ་སྐྱེས་པ་དང་། ཡེ་ནས་མ་བྱུང་བ་དང་། ཡེ་ནས་མི་གནས་པ་དང་།། ཡེ་ནས
125a6 སྟོང་པ་དང་། ཡེ་ནས་མེད་པ་དང་། ཕྱལ་པ་དང་། གཅིག་པུ་དང་། ལྷུན་གྱིས་གནས་པ་དང་བརྒྱད་དོ།། དེ་ལ་མ་སྐྱེས་པས་མི་འཆིའོ།། གདོད་ནས་མ་བྱུང་བས་མི་འགྲོའོ།། མི་གནས་པས་མྱ་ངན་ལས་འདས
iiif viewer powered by OpenSeadragon
