| e-texts navigator |
| Wylie |
124b1 གསང་བ་ཐུགས་ཀྱི་མཆོག། ཆོས་ཀྱི་གཏམ་ལ་འཇིགས་མེད་ཕྱིར།། ལས་ཀྱིས་གོས་པར་མི་འགྱུར་བའི།། དཔལ་ཆེན་འཁོར་ཚོགས་མང་པོ་དང་།། སངས་རྒྱས་རྣལ་འབྱོར་མང་པོ་དང་།། འཇིགས་མེད་རྡོ་རྗེ་སེམས
124b2 དཔའ་དང་།། སྐལ་ལྡན་རྣམས་ཀྱི་དོན་དུ་གསུངས།། གཞན་གྱི་དོན་དུ་མ་གསུངས་སོ།། བྱང་ཆུབ་ཀྱི་སེམས་རྨད་དུ་བྱུང་བ་ལས།། ཆོས་ཀྱི་གླེང་གཞིའི་ལེའུ་སྟེ་དང་པོའོ།། །། འདི་ནས་ལེའུ་ཉེར་གསུམ་ཡན
124b3 གོང་གླེགས་བམ་ཅ་པའི་ནང་གི་རྨད་བྱུང་ལེའུ་ཞེ་གཉིས་པ་དང་གཅིག་པས་དཔེ་རྣམས་ལ་མ་བྲིས་འདུག། ལེའུ་འདིས་སྐུ་བལྟ་བས་མི་ངོམས་པའི་ཡོན་ཏན་ཐམས་ཅད་སྐུ་ལ་རྫོགས་པར་བསྟན་ཏེ། དེ་ནས་ས་བཅུ
124b4 ལ་གནས་པ་ཞེས་བྱ་བའི་ཏིང་ངེ་འཛིན་ལ་ཞུགས་ནས། ཡང་འདི་གསུངས་སོ།། ཕ་རོལ་ཕྱིན་བཅུ་ལྷུན་རྫོགས་པའི།། བྱང་ཆུབ་སེམས་ནི་རྨད་དུ་བྱུང་།། རྨད་བྱུང་བྱང་ཆུབ་སེམས་འདི་ནི།། ཆོས་ཐམས་ཅད་ཀྱི་ཕ
124b5 རོལ་ཏུ་ཕྱིན་པ་ཡིན་ནོ།། ཆོས་ཐམས་ཅད་ཀྱི་མཛོད་ཡིན་ནོ།། ཟད་མི་ཤེས་པའི་མཛོད་ཡིན་ནོ།། བླ་ན་མེད་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་པ་ཡིན་ནོ།། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལས
124b6 དེ་བཞིན་གཤེགས་པ་ཡང་དག་པར་རྫོགས་པའི་སངས་རྒྱས་ཀྱང་འདི་ཡིན་ནོ།། ཆོས་ཐམས་ཅད་ཀྱི་ཆོས་ཉིད་ནི་ངོ་མཚར་ཆེའོ།། ལམ་དང་འབྲས་བུའི་ཁྱད་པར་ནི། བྱང་ཆུབ་སེམས་དཔའ་ནི་ཐམས་ཅད་མཁྱེན
iiif viewer powered by OpenSeadragon
