| e-texts navigator |
| Wylie |
123a1 མས་ཀུན་བརྒྱན་ཅིང་།། ཐ་དད་རྣམ་རྟོག་ཡུལ་དག་པའི།། སྒྱུ་མ་ཆེན་པོའི་དཀྱིལ་འཁོར་རྫོགས།། རང་བཞིན་གཅིག་ཏུ་མ་ངེས་པས།། ཁམས་གསུམ་ས་ལས་གྲོལ་བྱེད་པའི།། དོན་མཐུན་ཐེག་པ
123a2 བསམ་ཡས་པ།། དེ་དག་བྱ་བའི་སྒོ་རྣམས་ཀྱིས།། འབྲས་བུའི་ཕྱག་རྒྱ་གསལ་མཛད་ཅིང་།། ཉོན་མོངས་སྒྲིབ་ཚོགས་སྤངས་པའི་མཐུས།། ཐེག་ཆེན་ཡེ་ཤེས་སྒྲིབ་མེད་པའི།། སྣོད་འདི་རྣམ་པར་གསལ་བར
123a3 འགྱུར།། སངས་རྒྱས་ཀུན་གྱི་བསྟན་པའི་སྒོ།། རྫོགས་ཆེན་བྱང་ཆུབ་སེམས་ཀྱི་མཆོག། དེ་དག་ཀུན་ནས་སྟོན་བྱེད་ཅིང་།། ཇི་ལྟར་དམིགས་པའི་རྟགས་སྣང་འདི།། རང་བཞིན་མཉམ་ཉིད་གནས་ལ་སྟེ།། བྱིན་གྱིས
123a4 རླབས་ཀྱིས་ཀུན་སྟོན་པའོ།། ཀུན་འབྱུང་རེ་རྩོལ་སྒྲིབ་ཆེན་གྱིས།། ཉོན་མོངས་གནས་ཀུན་བསྐྱེད་བྱེད་ཅིང་།། ཕུང་པོ་ཁམས་དང་བཅས་ཚོགས་བརྒྱད།། དེ་དག་ཀུན་ནས་ཆགས་པའི་ཡུལ།། མི་གཉིས་དོན་ཀུན
123a5 རྟོགས་པ་ཡི།། བྱ་བ་ཆེན་པོའི་མཐུ་རྫོགས་པས།། སྣང་འདོད་རྩོལ་ཆེན་ཀུན་འཛིན་པས།། དོན་ཀུན་གཉིས་མེད་ཐེག་པའི་མཚན།། དེ་དག་རང་བཞིན་རྣམ་སྣང་ཞིང་།། མི་རྟོག་ལྷུན་གྲུབ་བདེ་ཆེན་ཉིད།། འདི་ལྟར
123a6 ཀུན་ནས་བརྟགས་པ་ཡི།། སྒྲིབ་པའི་སྐྱོན་ཆེན་གོམས་པའི་མཐུས།། ཡུལ་ཀུན་མཚན་མར་སྐྱེད་བྱེད་ཅིང་།། དེ་དག་གནས་ཀྱིས་རྨོངས་པར་འགྱུར།། བྱང་ཆུབ་ཡན་ལག་བརྒྱད་དང་བཅས།། མཚན་བཟང་དཔེ་བྱད
iiif viewer powered by OpenSeadragon
