| e-texts navigator |
| Wylie |
122b1 ཤེས་ཀྱིས།། ཟབ་མོ་སྔགས་རྣམས་བརྗོད་པར་འགྱུར།། སྙིང་པོ་དམ་པ་ཡེ་ཤེས་དེ།། ཀུན་ནས་ལེན་ཅིང་འཛིན་བྲལ་བས།། མཐའ་བཞི་ལས་གྲོལ་དབུ་མ་ཉིད།། གང་དང་གང་དུ་ལྟ་བྱེད་ཅིང་།། སྤྱོད་པས་ཡུལ་ཀུན
122b2 ལོངས་སྤྱོད་རྒྱན།། མི་ཤིགས་ཐིག་ལེ་མཉམ་རྫོགས་པའི།། ས་གསུམ་རབ་ཏུ་གནོན་མཛད་ཅིང་།། ཕྱག་རྒྱ་ཆེན་པོ་ཆེ་བ་ཉིད།། ཐ་སྙད་གང་གིས་སྟོན་བྱེད་པའི།། འབྲས་བུའི་དཀྱིལ་འཁོར་མངོན་རྫོགས་པའི།། དེ
122b3 དག་ཀུན་ནས་བརྟགས་པའི་ཡུལ།། མིང་ཚོགས་སྒྲ་ཡིས་མཚོན་བྱེད་པའི།། འབྲས་བུ་མཉམ་རྫོགས་ཇི་བཞིན་དུ།། གང་དག་གང་གནས་མངོན་ཞེན་ཅིང་།། གང་གིས་གང་ལ་མཉམ་སྦྱོར་བ།། ཡུལ་ཀུན་རྣམ་པར
122b4 སྦྱོར་བྱེད་པའི།། དེ་དག་གང་དུ་མི་གནས་པའོ།། ཀུན་ནས་ལས་ཀྱིས་འཁོར་བ་ཡི།། ཆོས་ཀྱི་ཐ་སྙད་ཐ་དད་ཀུན།། མ་སྐྱེས་མི་གཡོ་མཉམ་པའི་རྒྱན།། རབ་ཏུ་བརྟགས་པའི་སྤྱོད་བྲལ་ཆོས།། ཆོ་འཕྲུལ་ཆེན་པོ་རྣམ
122b5 འཆར་ཞིང་།། རང་བཞིན་མི་གཉིས་རྟོགས་པའི་མཐུས།། དེ་དག་གནས་རྣམས་སངས་རྒྱས་ཞིང་།། རྟེན་གྱི་དཀྱིལ་འཁོར་ཀུན་སྤྱོད་པའོ།། བརྟུལ་ཞུགས་ཕྱག་རྒྱའི་བསམ་གཏན་དང་།། དྲག་ཤུལ་གནས་ཀུན་ཕྲིན
122b6 ལས་ཀྱིས།། ཀུན་ནས་མངོན་པར་སྒྲུབ་བྱེད་པའི།། གནས་སུ་བྱ་བའི་མིང་མེད་ཅིང་།། བྱང་ཆུབ་འཁོར་བ་མྱ་ངན་འདས།། སྒྱུ་མ་བདེ་ཆེན་ལྷུན་གྱིས་གྲུབ།། དེ་དག་ཡོན་ཏན་མ་འགགས་པའི།། གཏན་ཚིགས་ཚད
iiif viewer powered by OpenSeadragon
