| e-texts navigator |
| Wylie |
120b1 ནང་དུས་ཀུན་བདེ་གཤེགས་ཀྱི།། ས་དང་ལམ་བྲལ་ཀུན་དམིགས་པས།། ཐབས་དང་ཤེས་རབ་ཕྱག་རྒྱའི་ཚུལ།། དུས་གསུམ་གཅིག་པར་འགྱུར་མེད་ཞིང་།། ངོ་མཚར་དཀྱིལ་འཁོར་ཆེན་པོ་ཉིད།། སྔོན་གྱི་དེ་དང
120b2 དུས་གཞན་གྱིས།། ཐ་སྙད་མི་རྟོག་རྒྱ་ཆེན་པོ།། འོད་དག་ཟབ་མོའི་གནས་དག་ཏུ།། འདྲེན་པ་གྲོལ་བའི་མཐུ་མཚུངས་པའོ།། དེ་བཞིན་དབྱིངས་ཀྱི་འོད་གསལ་གནས།། དག་པའི་ཡེ་ཤེས་སྒྲ་གནས་འཇུག། མེ་ལོང
120b3 ཉི་མའི་འོད་སྣང་བར།། ཐམས་ཅད་ཆོས་ཀྱི་སྟོན་པར་འགྱུར།། ཕྱི་ནང་གཉིས་ཚོགས་གནས་སྐབས་ཀྱི།། རབ་ཏུ་ཞེན་པས་མངོན་རྟོགས་ཆོས།། སྐུ་གསུང་ཐུགས་ཀྱི་དཀྱིལ་འཁོར་ལས།། བྱིན་རླབས་སྣང་བ་འགག།
120b4 མེད་ཅིང་།། དུས་ཀུན་རྣམ་པར་ཞེན་པའི་བློས།། དེ་ཉིད་ཆོས་ཀྱི་ཚུལ་བྲལ་བཅས།། ཀུན་གྱིས་མཉམ་ཉིད་གཅིག་པ་ལ།། ཕྱོགས་ཀྱི་ཆ་ནས་མངོན་བརྟགས་པས།། མི་མཐུན་གནས་ཀུན་འགྱུར་མེད་པ།། རྐྱེན་དག
120b5 གློ་བུར་མཐུས་བརྟགས་པའོ།། གདམས་ངག་དམ་པའི་བདུད་རྩི་ཉིད།། གང་བྱུང་རང་གི་གནས་སུ་རྒྱས།། དེ་དག་སངས་རྒྱས་ཀུན་གྱི་མཛོད།། ཐེག་པའི་ཚུལ་འདིས་མཚོན་པར་བྱེད།། མིང་ཚིག་དགྲ་ལ་མ་བརྟེན
120b6 པར།། རང་གི་ཡེ་ཤེས་ཉམས་མེད་ཅིང་།། ཐེག་པ་མཐའ་དག་མངོན་གསལ་བ།། མ་འདྲེས་ཡོངས་སུ་རྫོགས་པ་ཉིད།། ཀུན་ནས་ཟབ་ཅིང་རྒྱ་ཆེ་བའི།། བྱང་ཆུབ་སེམས་ཀྱི་རྣམ་གྲངས་ཀྱིས།། ཐུགས་རྗེ་ཆེན་པོ་ཉིད
iiif viewer powered by OpenSeadragon
