| e-texts navigator |
| Wylie |
120a1 གནས་སོགས་ཕྱེད་འཛིན་ཅིང་།། རྣལ་འབྱོར་ཐབས་མཁས་སྤྱོད་པའི་ཆོས།། དེར་བཅས་མི་གནས་ཏིང་ངེ་འཛིན།། གང་གིས་གང་ཞིག་མངོན་འདོད་པ།། དེ་དག་བསྟན་པའི་ཚུལ་ཀུན་གྱིས།། གཞན
120a2 པའི་ལས་ཀྱི་འབྲས་བསྒྲུབ་ཅིང་།། བྱ་མིན་སྤྱོད་པའི་རྩོལ་བཅས་པས།། དེ་ལས་ཕྱི་རོལ་ཆོས་ཀུན་སྣང་།། རང་བཞིན་ཡེ་ཤེས་གནས་ཀྱི་མཆོག། དེ་དག་ཡེ་ནས་རྫོགས་པ་ཡི།། ཆོས་ཉིད་སྙིང་པོ་ས་དང་བྲལ།། ལམ
120a3 ཀུན་བགྲོད་པ་མེད་པར་རྫོགས།། ནམ་མཁའི་མཐའ་དབྱིངས་བསམ་འདས་ཤིང་།། ཁ་དོག་དབྱིབས་སོགས་དངོས་མེད་པ།། བྱང་ཆུབ་སེམས་ཀྱི་དངོས་ཉིད་ཀྱིས།། ཡོན་ཏན་མེད་དོན་མངོན་དུ་འབྱིན།། དེ་དག
120a4 སངས་རྒྱས་བསྟན་པའི་སྒོ།། སྤྲུལ་པའི་གནས་རྣམས་ཀུན་རྫོགས་པའི།། བྱིན་རླབས་ཕྲིན་ལས་འབྲེལ་པའི་ཚུལ།། ཇི་སྲིད་གནས་ཀུན་བགྲོད་བྱེད་པའི།། ལམ་རྣམས་རྟོག་པའི་མཐའ་ཡས་ཏེ།། དེ་དག་སྙིང་པོ
120a5 གསང་བའི་གནས།། བགྲོད་མེད་མཉམ་པས་རྫོགས་པར་འགྱུར།། དེ་ལྟར་དེ་བཞིན་ཉིད་སྣང་བས།། དེ་དག་དེ་ཡི་ཀུན་སྤྱོད་དེ།། ཡུལ་ཀུན་གནས་ཀྱི་དམིགས་བྲལ་ནས།། ཟབ་མོའི་ཆ་ནས་སྤྱོད་ཡུལ་མེད།། དེ་ཉིད
120a6 བྱང་ཆུབ་སེམས་ཀྱི་རྒྱན།། མ་བྱུང་མ་སྐྱེས་འགག་མེད་པའི།། ཆོས་རྣམ་དེ་ལས་གཞན་རྣམས་སུ།། དུས་ཀྱིས་འཕོ་བ་འགྱུར་མེད་ཅིང་།། ཉོན་མོངས་ཚོགས་ཀུན་ཡེ་ཤེས་ཉིད།། དེ་ནི་སྙིང་པོ་གསང་ཆེན་མཆོག། ཕྱི
iiif viewer powered by OpenSeadragon
