| e-texts navigator |
| Wylie |
11a1 ལྕགས་ལས་ཐར་བ་མེད།། སྣ་ཚོགས་འཁོར་ལོའི་རང་བཞིན་ལ།། རྨོངས་པའི་བློ་ཡིས་བླང་དོར་མེད།། གཉིས་མེད་རང་འོད་གསལ་བ་ལ།། སྒྲོ་དང་སྐུར་བས་རང་སེམས་སྤོང་།། ཞེས་གསུངས
11a2 སོ།། བྱང་ཆུབ་ཀྱི་སེམས་རིན་ཆེན་འཁོར་ལོ་ལས། རྩོལ་བ་མེད་པ་ཆོས་དང་ཆོས་ཅན་མ་གྲུབ་པར་བསྟན་པའི་ལེའུ་སྟེ་བདུན་པའོ།། །། དེ་ནས་ཡང་རིག་པའི་རྒྱལ་པོས་ཡེ་ཤེས་རིག་པའི་སྤྱོད་པ་འདི་གསུངས
11a3 སོ།། ཡེ་ཤེས་བདེ་མཆོག་ཀུན་ཏུ་བཟང་།། རང་བྱུང་ནམ་མཁའ་རྡོ་རྗེ་ཉིད།། ཅི་ལ་སྤྱོད་ཀྱང་ཆགས་པ་མེད།། སྒོ་གསུམ་བག་ཡངས་ལྷུག་པ་ཉིད།། སྣང་མེད་རང་བྱུང་ཡེ་ཤེས་གསལ།། རང་གཞག་ཡེ་ཤེས་སྤྱོད་པ
11a4 ལ།། བླང་དོར་གཉིས་མེད་བདེ་ཆེན་དང་།། མཁའ་མཉམ་ཡེ་ཤེས་རང་བྱུང་ལ།། དུས་གསུམ་འདའ་བ་མེད་པར་གནས།། རང་འབར་ཡེ་ཤེས་དཀྱིལ་འཁོར་ནས།། དངོས་གྲུབ་རིན་ཆེན་འོད་ལྟར་འབྱུང་།། ཡེ་ཤེས
11a5 རྒྱ་མཚོ་མུ་མཐའ་མེད།། འོད་གསལ་རིག་པའི་གདེང་ལྡན་ལ།། མཚོན་པ་ལམ་གྱི་རྒྱུ་དང་བྲལ།། རང་བྱུང་ལུང་གི་དོན་མཐོང་བས།། ལུང་ཆེན་ཚད་མ་ཀུན་གྱི་བདག། རིག་པའི་ཡེ་ཤེས་བརྗོད་བྲལ་བས།། བརྗོད
11a6 པའི་ལུང་ལ་སེམས་མི་འཇུག། སེམས་ཉིད་རིག་པའི་སྒྲོན་མ་ནི།། རིན་ཆེན་མེ་ཤེལ་ལྟར་གསལ་བས།། རིན་ཆེན་མན་ངག་ཀུན་གྱི་བདག། ཀུན་གསལ་མེ་ལོང་མཐོང་ཐོབ་པས།། རྣ་བརྒྱུད་སྒྲ་ལ་རག་མ
iiif viewer powered by OpenSeadragon
