| e-texts navigator |
| Wylie |
119a1 པའི།། མན་ངག་སྙིང་པོ་ཚོགས་པའོ།། ཐབས་དང་ཤེས་རབ་མཉམ་པར་སྦྱོར།། བྱང་ཆུབ་སེམས་ཀྱི་རྒྱུད་ཉིད་ཀྱིས།། དེ་ལྟར་ཆོས་ཀུན་གནས་མཛེས་ཤིང་།། རྟག་དང་རྣམ་པར་གྲོལ་བའོ།། ཆོས་ཉིད
119a2 ངོ་བོ་ལ་སྤྱོད་པས།། སྤྲོས་ཚིག་མཚན་མ་མཐའ་ཡས་ཀུན།། བདེ་བར་གཤེགས་པའི་ཡུལ་བཞིན་འཇུག། འཇིག་རྟེན་མཐའ་རྣམས་ཀུན་ཁྱབ་པ།། ཟབ་མོའི་གནས་ཆེན་འདི་ཉིད་ཀྱིས།། ཐམས་ཅད་དོན་ཀུན་སྡུད
119a3 བྱེད་ཅིང་།། སངས་རྒྱས་བསྟན་པའི་ཡུལ་ལ་འཇུག། གསང་སྔགས་མིང་ཚོགས་རྣམ་སྤྲོས་པས།། མི་འགོག་རྣམ་པར་སྤྱོད་པ་ཡི།། བསྟན་པ་རྒྱ་མཚོ་སྡུད་བྱེད་ཅིང་།། དེ་དག་འདྲེན་པའི་དོན་བཞིན་སྣང་།། ཀུན་ནས
119a4 ཆོས་ཀུན་མ་འགགས་ཆོས།། མིང་ཚོགས་ཡུལ་དང་བྲལ་བ་ཡི།། ཟབ་མོ་སྔགས་ཀྱི་རྒྱུད་ལམ་ཀུན།། ཐབས་དང་ཤེས་རབ་ཇི་བཞིན་ཉིད།། རང་བཞིན་ཉིད་ནི་རྣམ་པར་དག། ཡང་དག་ཡེ་ཤེས་གནས་འཇུག
119a5 པའི།། མན་ངག་དམ་པའི་སྟོབས་ཀྱིས་ནི།། རང་གི་དོན་ཉིད་གསལ་བྱེད་ཅིང་།། ཡང་དག་སྔ་མའི་གནས་རྫོགས་པ།། ངོ་མཚར་རྨད་ཀྱི་ཡུལ་སྟོན་པའི།། དེ་དག་དེ་ཀུན་རྣམ་གསལ་བས།། ཐ་སྙད་ཆོས་ལས་ཀུན
119a6 རྟོག་ཅིང་།། མྱ་ངན་གནས་ཀྱིས་འགོག་པར་བྱེད།། གང་ནས་མ་བྱུང་གང་རྙེད་པ།། དེ་དག་དུས་གསུམ་མཉམ་པའི་དབྱིངས།། ཐ་སྙད་གནས་ཀྱི་ཡུལ་འཇུག་པས།། བསྟན་པ་རྒྱ་མཚོའི་ཆོས་རྫོགས་པའོ། གང་གིས
iiif viewer powered by OpenSeadragon
