| e-texts navigator |
| Wylie |
118b1 བས།། ཐམས་ཅད་ཆོས་རྣམས་རྣམ་པར་འབྱེད། ཅེས་གསུངས་སོ།། རྫོགས་པ་ཆེན་པོ་ཆོས་ཉིད་བྱང་ཆུབ་ཀྱི་སེམས་རིན་ཆེན་བཀོད་པ་རྣམ་པར་དབྱེ་བའི་རྒྱུད་ལས། ཆོས་ཐམས་ཅད་ཀྱི་ཡུལ་ལས་འདས་པའི་ལེའུ
118b2 སྟེ་བཞི་པའོ།། །། དེ་ནས་བདེ་བར་གཤེགས་པ་ཐམས་ཅད་ཀྱིས། རང་བཞིན་ཀུན་ཏུ་བཟང་པོ་ཉིད།། གཉིས་མེད་ཡེ་ཤེས་སྙོམས་འཇུག་ཅིང་།། ཕྱོགས་དུས་བསྟན་པས་འཕེལ་བར་མཛད།། ཀུན་ནས་གཉིས
118b3 མེད་རྟོགས་དཀའ་བའི།། དོན་ཀུན་མཚན་ཉིད་ཡུལ་ལས་འདས།། རང་བྱུང་བྱང་ཆུབ་སེམས་ཀྱི་གཞི།། སངས་རྒྱས་བསྟན་པས་མཚོན་བྱེད་པ།། དེ་དག་ཐེག་པའི་ཚུལ་འདི་ཡིས།། གནས་ཀུན་རྒྱས་པར་གསལ་བར
118b4 བྱེད།། རང་གི་ཡེ་ཤེས་ཇི་ལྟ་བར།། རང་གི་སྟོབས་ཀྱིས་ཀུན་སྤྱོད་ཅིང་།། དེ་དག་སྒྲིབ་མེད་མ་འགགས་པས།། ཕྱག་རྒྱའི་ཡུལ་ཀུན་གཏན་ལ་འབེབས།། མཉམ་ཉིད་ཆོས་སྐུ་ཆེན་པོ་ལས།། ཐམས་ཅད་ཡོན་ཏན
118b5 མཛོད་རྒྱས་པས།། ཕྱི་དང་ནང་མེད་ཀུན་ཏུ་སྣང་།། ཡེ་ཤེས་གསང་བའི་རྫོགས་པའོ།། མཚོན་བྱ་དཔེ་ལས་འདས་པའི་དོན།། ཀུན་ཏུ་བཟང་པོའི་རོལ་པ་ཉིད།། དེ་དག་ཕྱོགས་བཅུར་མ་འགགས་པའི།། རང་བཞིན
118b6 སྒྲིབ་མེད་དཀྱིལ་འཁོར་རྣམས།། སྐུ་གསུམ་འབྲེལ་པའི་བདག་ཉིད་དེ།། ཐབས་དང་ཤེས་རབ་རྨད་བྱུང་བའོ།། དེ་ལྟར་འཁོར་བ་མྱ་ངན་འདས།། ཆོས་ཀུན་གནས་ཀྱི་རྒྱུན་འཇུག་ཅིང་།། དོན་ཀུན་གསང་བ་སྟོན་བྱེད
iiif viewer powered by OpenSeadragon
