| e-texts navigator |
| Wylie |
118a1 རང་གི་མཚན་ཉིད་ཀྱིས།། རྒྱུ་མེད་རྐྱེན་བྲལ་འབྲས་བུའི་ཆོས།། རང་བཞིན་ཉིད་ཀྱིས་སྣང་བའོ།། དེ་ལྟར་ཁམས་གསུམ་ཀུན་སྤྱོད་པ།། ཞེན་རྟོག་ལས་ལ་སོགས་པ་རྣམས།། བདེ་ཆེན་ཉིད་ལས་གཞན
118a2 མ་ཡིན།། ཐ་དད་བརྟགས་པས་ཀུན་འཛིན་ཅིང་།། དེ་དག་ཚུལ་བྲལ་བདེ་བ་ཉིད།། གཟུགས་སྒྲ་དྲི་རོ་རེག་བྱའི་ཆོས།། ཡུལ་ཀུན་དེ་ཉིད་ལྷ་ཡི་ཚོགས།། ཐབས་དང་ཤེས་རབ་མཉམ་སྦྱོར་ཞིང་།། མ་འདྲེས་རོལ་པས
118a3 ལོངས་སྤྱོད་དེ།། བདེ་ཆེན་གནས་ཀྱི་དཀྱིལ་འཁོར་ཉིད།། དོན་མཐུན་གསང་བས་ཀུན་ཏུ་རྒྱས།། དེ་ལྟར་འཁོར་དང་མྱ་ངན་འདས།། ཆོས་ཉིད་དབྱིངས་ཀྱི་རྒྱན་སྣང་བས།། དཀྱིལ་འཁོར་རྫོགས་པའི་ཕྲིན་ལས
118a4 ཀྱིས།། དུས་ཀུན་ཡུལ་བཅས་མཉམ་སྦྱོར་བའོ།། ཇི་ལྟར་སྣང་བ་སྣ་ཚོགས་གཞི།། དེ་དག་ཐེག་པའི་ཚུལ་ཉིད་དེ།། རྟོག་པའི་མཐའ་རྣམས་འགགས་གྱུར་ན།། ཐེག་པའི་སྤྲོས་ཚིག་ཀུན་དང་བྲལ།། ནམ་མཁའི་ཚུལ
118a5 གྱིས་གཞན་ནས་འཇུག། དེ་དག་ཁ་དོག་དབྱིབས་ལས་འདས།། དོན་འདི་བསྟན་པའི་ཚུལ་གྱིས་ནི།། མི་རྟོག་ཀུན་ནས་བཏང་སྙོམས་ཆེ།། མཐའ་ལས་འདས་པའི་ཤེས་རབ་ཀྱིས།། ཡེ་ཤེས་ཆེན་པོའི་མཐའ་རྒྱས
118a6 འགྱུར།། ཆགས་དང་ཆགས་བྲལ་ཡུལ་དང་རོ།། དེ་དག་དམིགས་པའི་རྟོག་ལས་འདས།། མི་གནས་ཀུན་ཏུ་སྙོམས་མཛད་པས།། དོན་ཀུན་བསྟན་པའི་འབྱུང་གནས་ཉིད།། དེ་དག་ཟག་མེད་ཀུན་གསལ
iiif viewer powered by OpenSeadragon
