| e-texts navigator |
| Wylie |
115b1 འཕྲུལ་བྱིན་རླབས་མ་འདྲེས་པ།། དེ་དག་ཐེག་པའི་མཐའ་རྣམས་ཀྱང་།། ཡོན་ཏན་སྟོབས་ཀྱིས་རྫོགས་པར་འགྱུར།། ཇི་བཞིན་རང་གི་སེམས་གནས་ཀྱང་།། སངས་རྒྱས་སྙིང་པོ་གཞི་འགྱུར་ཞིང་།། དེ་དག་མ
115b2 འགགས་རྒྱ་མཚོའི་ཆོས།། དེ་ལས་དེ་བྱུང་དེ་ཉིད་པས།། སངས་རྒྱས་ཐེག་པ་བསམ་འདས་ཤིང་།། དོན་ཀུན་གསང་བ་རྨད་དུ་བྱུང་།། ཇི་སྲིད་རྟོག་པའི་རྒྱུན་འབྲང་བ།། དེ་མཐའ་བདུད་ཀྱི་གནས་ཆེན་དེ།། ཀུན་ཏུ
115b3 རྩོལ་བས་འཇོག་པ་ཡི།། ཆོས་ཀུན་འཆིང་བ་ཆེན་པོའི་གནས།། དེ་དག་རྣམ་པར་རྩོལ་བྱེད་པས།། དེ་ཡི་རྒྱུ་མཐུན་རྐྱེན་མི་འགྱུར།། རང་བཞིན་ངང་གིས་མ་བཅོས་པའི།། མཆོག་ཏུ་བསྔགས་པའི་བདེ་བ་ཆེ།། ཀུན་ཏུ
115b4 གསང་བ་སྟོན་པའི་རྒྱུད།། ཆོས་རྣམས་རང་བཞིན་སྣང་བས་གནས།། དེ་ཡི་བྱིན་རླབས་མཐུ་ལྡན་པས།། བརྡའ་ཚིག་ཡུལ་ཀུན་འགག་མེད་ཅིང་།། ཕྱག་རྒྱའི་གསང་བ་ཀུན་སྟོན་པ།། གདག་པའི་སྒྲ་ལས་འདས
115b5 པའོ།། བསམ་བྲལ་ངོ་བོ་རྟོགས་དགའ་བ།། དེ་དག་ཕྱག་རྒྱ་ཆེན་པོའི་སྐུ།། དོན་ཀུན་ཡེ་ཤེས་རྣམ་པར་སྤྱོད།། ཐ་སྙད་གང་གིས་གང་ལ་འཇུག། དེ་དག་བརྗོད་པའི་རྟོགས་པ་དག། གནས་ཀུན་དངོས་པོར་མཚོན་བྱེད
115b6 པ།། རབ་ཏུ་གྲོལ་བའི་དོན་རྫོགས་པའོ།། རྣལ་འབྱོར་ཆེན་པོ་ཡེ་ཤེས་ཉིད།། བྱེ་བྲག་རྣམ་པར་དབྱེ་བའི་དངོས།། སྡུག་བསྔལ་ཆོས་ཉིད་ལོངས་སྤྱོད་རྒྱན།། འགྲོ་བའི་གནས་ཀུན་རྣམ་པར་དག། བྱང་ཆུབ་སེམས
iiif viewer powered by OpenSeadragon
