| e-texts navigator |
| Wylie |
113b1 རྣམ་སྤགས་པས།། ཆེ་བ་རྣམ་པ་ལྔ་ཉིད་དེ།། ཆོས་རྣམས་ཀུན་གྱི་བདག་ཉིད་དོ།། ཆོས་ཉིད་རང་བཞིན་ཀུན་གསལ་ཞིང་།། མ་བཅོས་མཚན་མའི་མཐའ་དང་བྲལ།། མ་འགགས་ཡོན་ཏན་ཀུན་ཏུ་སྣང་།། དོན་ཀུན
113b2 འབྱུང་བ་རྒྱུ་ཡི་དོན།། ཕྱི་ནང་མེད་པར་འོད་གསལ་ཞིང་།། མ་འདྲེས་ཀུན་ཏུ་རྫོགས་པར་བྱེད།། མ་བཅོས་མཚན་མ་རྣམ་དག་པས།། རང་བཞིན་ཡུལ་ཀུན་སྤྲོས་པས་དབེན།། ཐམས་ཅད་དག་པའི་སངས་རྒྱས
113b3 སྐུ།། དཀྱིལ་འཁོར་རིགས་ཀྱི་ཆ་ལུགས་རྫོགས།། ཡེ་ནས་ལྷུན་གྱིས་གྲུབ་པའི་ཆོས།། ཕྱག་རྒྱ་གསང་བའི་ཡེ་ཤེས་ཉིད།། རྟེན་དང་བརྟེན་པ་ཐ་དད་གཞི།། སྣང་བའི་ཚུལ་གྱིས་གཉིས་མེད་པར།། ཐིག་ལེ་ཆེན་པོར
113b4 མཉམ་རྫོགས་པས།། ཤེས་དང་ཤེས་འབྱུང་གཏན་ལ་འབེབས།། དེ་དག་ཡེ་ཤེས་ཀུན་ཁྱབ་པའི།། ཚུལ་གྱིས་གནས་སྐབས་དོན་སྟོན་པའོ།། ཆོས་ཉིད་ཀུན་ནས་སྤྲོས་བྲལ་ཞིང་།། རང་བཞིན་ཀུན་ཏུ་བཟང་མོའི
113b5 མཁའ།། དངོས་མེད་བྱང་ཆུབ་སེམས་ཀྱི་དབྱིངས།། རྒྱན་གྱི་ཆོ་འཕྲུལ་རྣམ་བཀོད་པ།། ཀུན་ཏུ་བཟང་པོའི་རོལ་པ་སྟེ།། དོན་ཀུན་གསལ་བར་བསྟན་པའི་སྒོས།། དཀྱིལ་འཁོར་ཀུན་ཏུ་སྣ་ཚོགས་པའོ།། ཐ་དད་མིན
113b6 ལ་ཐ་དད་པའི།། ནང་དང་ཕྱི་རོལ་ཡུལ་འདས་པས།། བྱང་ཆུབ་སེམས་ཀྱི་དངོས་གཞི་སྟེ།། ནང་དུ་འཇུག་པའི་མཚན་ཉིད་ཅན།། དེ་དག་གཉིས་མེད་ཡེ་ཤེས་ཆེ།། ཐབས་དང་ཤེས་རབ་འབྲེལ་པའི་དངོས།། མ
iiif viewer powered by OpenSeadragon
