| e-texts navigator |
| Wylie |
113a1 མཛད་པས།། སྲས་ཀྱི་དམ་པར་རབ་ཏུ་བསྔགས།། དེ་དག་མཉམ་ཉིད་ཆོས་ཀྱི་དབྱིངས།། ཕྱོགས་རྣམས་ཀུན་ནས་ལྷུན་གྲུབ་ཅིང་།། དུས་ཀུན་དུས་ནི་འགྱུར་མེད་པས།། ཡེ་ནས་གནས་པའི་ངོ་བོ
113a2 ཉིད།། རྣལ་འབྱོར་ཆེན་པོའི་དོན་ཀུན་གྱིས།། ཐབས་ལྡན་གསང་བ་སྟོན་པར་བྱེད།། དེ་དག་གཞི་དང་བྱ་བའི་ལམ།། འབྲས་བུའི་ཚུལ་དུ་རྣམ་པར་གནས།། ཆོས་རྣམས་ཀུན་གྱི་དེ་བཞིན་ཉིད།། ཤེས་ཤིང་རིག་པའི
113a3 བྱིན་རླབས་ཀྱིས།། རང་གི་དོན་ཀུན་རྣམ་རྫོགས་པས།། ཐམས་ཅད་སྣང་བའི་གཞིར་གྱུར་པའོ།། དེ་དག་ཕྱག་རྒྱ་ཆེན་པོའི་མཐུ།། རང་གི་མཚན་ཉིད་མ་འདྲེས་པར།། མཐའ་འདས་ཆོས་ཀུན་གཏན་ལ
113a4 འབེབས།། རྣལ་འབྱོར་ཆེན་པོ་སྒྲུབ་པོའི་ལམ།། དེ་བཞིན་ཉིད་ཀྱི་དོན་ཉིད་ཀྱིས།། དེ་ཉིད་འབྲས་བུ་གསལ་འགྱུར་ཞིང་།། སྐུ་དང་ཡེ་ཤེས་ཆེན་པོ་དག། དོན་མཐུན་རྣམ་པའི་རྒྱུད་ཀྱིས་སྣང་།། ཐམས་ཅད་ཅིར་ཡང
113a5 མི་གནས་པས།། ཆོས་དབྱིངས་སངས་རྒྱས་ཆེ་བ་ཉིད།། མཐའ་བྲལ་མཐའ་མ་མ་སྤངས་པས།། མངོན་པའི་སངས་རྒྱས་རྣམ་པར་དག། མཚན་མའི་ཡུལ་ཀུན་ལས་འདས་ཤིང་།། ཡིན་པའི་སངས་རྒྱས་འགྱུར་མེད
113a6 པས།། རྒྱུ་རྐྱེན་འབྲས་བུར་མི་ཕྱེད་པས།། བདག་ཉིད་ཆེན་པོའི་སངས་རྒྱས་སྐུ།། བགྲོད་པའི་ལམ་དང་འབྲས་བུའི་ས།། གནས་མེད་སངས་རྒྱས་མེད་པའི་ཚུལ།། ཐེག་པ་ཀུན་ལས་རྣམ་གྲོལ་བ།། རང་བཞིན་དོན་གྱི
iiif viewer powered by OpenSeadragon
