| e-texts navigator |
| Wylie |
112b1 པས།། དགོངས་པ་ཚད་མེད་གསལ་བར་མཛད།། ཀུན་ནས་བྱམས་པ་ཚད་མེད་ཅིང་།། རྒྱ་ཆེན་སྙིང་རྗེ་ཚད་མེད་མཆོག། ཟབ་ཅིང་ཕྲ་བ་བརྟགས་དཀའ་ཞིག། བཏང་སྙོམས་ཀུན་གྱི་ཡུལ་ལས་འདས།། རྟག་པ་ཆེན
112b2 པོ་འགྱུར་མེད་པ།། ཀུན་ནས་བཅིང་ཞིང་གྲོལ་བ་མེད།། རིམ་གྱིས་ས་ལ་སྦྱོང་བྱེད་ཅིང་།། དེ་དག་ལམ་ལ་བགྲོད་མེད་ཚུལ།། ཁྱད་པར་གསང་བའི་བརྡ་དོན་གྱིས།། ཀུན་ཏུ་བཟང་པོ་རང་བཞིན་ཉིད།། མན་ངག་རྣམ
112b3 བཅུ་གསལ་བྱེད་པའི།། དོན་ཀུན་ཐེག་པ་ལས་འདས་པའོ།། སྤྱི་དང་ཁྱད་པར་ཆོས་ཀྱི་བདག། སྟོན་པའི་ཡོན་ཏན་རྣམ་སྤྲུལ་ཞིང་།། དེ་དག་ཡེ་ཤེས་དཀྱིལ་འཁོར་གྱིས།། ཐམས་ཅད་ཀུན་ནས་སྒྲིབ་མེད་དོན།། འོག
112b4 མིན་གནས་མཆོག་ཆོས་ཀྱི་དབྱིངས།། ཡོན་ཏན་སྣང་བ་ཀུན་གྱི་གཞི།། ཐེག་པའི་ཁྱད་པར་རྣམ་སྤགས་པའོ།། མ་འདྲེས་ཕྲིན་ལས་རྒྱ་ཆེན་པོ།། ཉིད་ལས་གཞན་དུ་མི་འབྱེད་པའི།། ཞིང་ཁམས་ཀུན་ཏུ་རྣམ་བཀོད
112b5 པ།། སངས་རྒྱས་ཡེ་ཤེས་དཀྱིལ་འཁོར་ཉིད།། རིགས་ཀུན་རྣམ་པར་མཐུན་པའི་ཚོགས།། རང་གི་གནས་ཀུན་ལོངས་སྤྱོད་ཀྱིས།། ཐབས་དང་ཤེས་རབ་མཉམ་སྦྱོར་བའོ།། དེ་ལ་རྒྱ་ཆེན་དོན་རྣམས་ཀུན།། ཐབས
112b6 ལྡན་གདོད་ནས་རྣམ་དག་པའི།། བྱིན་རླབས་ཀུན་ཏུ་བཟང་པོ་དངོས།། རང་རིག་མཐུ་ལས་ཀུན་སྟོན་པའོ།། ཤེས་རབ་ཡེ་ཤེས་རྩེ་གཅིག་པའོ།། ཏིང་འཛིན་བསྟན་པའི་ཚུལ་སྡུད་ཅིང་།། མ་འདྲེས་ལས་ཀུན་སྟོན
iiif viewer powered by OpenSeadragon
