| e-texts navigator |
| Wylie |
111b1 སྦྱོར།། མཉམ་པས་རིམ་པར་བཀོད་པ་མེད།། གཅིག་པས་ཕྱོགས་སུ་བསྔོ་དང་བྲལ།། ཚོགས་ཀྱི་རྒྱན་རྣམས་བཀྲམ་པ་ཡང་།། རང་བཞིན་གནས་པས་འདྲིལ་པ་མེད།། ལྷུན་གྱིས་གྲུབ་པས་མི་བསྔོ་སྟེ།། གདོད་ནས
111b2 དག་པའི་བདུད་རྩི་ཡིན།། སྐྱེ་མཆེད་བཅུ་གཉིས་ཁྱད་པར་དུ།། ལྷག་པའི་བསམ་པས་བཟུང་བ་མེད།། ཡིད་ཀྱི་བསམ་པས་ཡོན་བདག་སྟེ།། བལྟས་པས་སྟོབས་རྣམས་བཀྲམ་པའོ།། མཐོང་བར་འགྱུར་བས་དངོས
111b3 གྲུབ་ལས།། དེ་ནི་མཉམ་བཞག་རྫོགས་པར་འགྱུར།། ཡུལ་ཙམ་བཟུང་བའི་སྦྱོར་བ་ཡིས།། དགའ་བར་འགྱུར་ཡང་དམ་ཚིག་དེ།། ཐབས་ཀྱི་གར་སྟབས་བསྐྱོད་པ་ཡིས།། གཉིས་མེད་སྦྱོར་བ་ཕུལ་བ་ཡིན།། མི་གཟུང
111b4 གཏོང་བས་གཏོར་མ་སྟེ།། བྱ་བ་མེད་པས་ལས་རྣམས་རྫོགས།། མི་རྟོགས་ཡེ་ཤེས་གེགས་བསལ་ནས།། མི་བཟུང་མཉམ་བཞག་སྔགས་ཚིག་གིས།། བླ་མ་མཆོད་དང་གཏོང་བ་དང་།། དེ་བཞིན་བསོད་ནམས་ཐམས
111b5 ཅད་ཀྱང་།། མ་ཆགས་མི་གཡོའི་སྟོབས་མེད་ན།། བྱས་ན་འཆིང་བ་ཆེན་པོར་འགྱུར།། དེ་བས་དེ་ལུང་དེ་ཉིད་ལ།། དེ་ལས་དེ་སྦྱར་སྒྲིབ་པར་འགྱུར།། དེ་ལྟར་དེ་ལ་དེ་རྟོགས་ན།། དེ་ལ་དེ་ཉིད་འགྲུབ་པ་མེད། ཅེས་རྒྱ
111b6 ཆེར་གསུངས་སོ།། རྫོགས་པ་ཆེན་པོ་ཆོས་ཉིད་བྱང་ཆུབ་ཀྱི་སེམས། རིན་ཆེན་བཀོད་པ་རྣམ་པར་དབྱེ་བའི་རྒྱུད་ལས། དེ་ཁོ་ན་ཉིད་བསྟན་པའི་ལེའུ་སྟེ་གསུམ་པའོ།། །། དེ་ནས་རིགས་བཞིའི་སངས་རྒྱས
iiif viewer powered by OpenSeadragon
