| e-texts navigator |
| Wylie |
110a1 བསྟེན་དེ་ཡང་ཐོབ།། དེ་ནི་སྙིང་པོ་དེ་བས་ན།། དེ་ལས་དེ་བྱུང་ངོ་མཚར་ཆེ།། སྔོན་གྱི་དེ་དང་ད་ལྟར་དེ།། དེ་བཞིན་དེ་ཡི་གནས་སུ་ཆེ།། དེ་ལྟར་དེ་ཡི་ལམ་འདྲ་བར།། དེ་ནི་དེ་ཡི་རང་བཞིན་ནོ།། དེ
110a2 དང་འདྲ་བ་ཡོངས་ཀྱི་ལམ།། ཟླ་བ་ལས་བྱུང་རྟེན་དང་བཅས།། ཀུན་གྱི་མཉམ་ཉིད་ཡིན་པ་ལ།། ཕྱོགས་སུ་བལྟས་པས་གྲུབ་པ་མེད།། ད་ལྟར་བདེ་དང་ཕྱི་མའི་བདེ།། མངོན་སུམ་པ་དང་རྒྱབ་ནས་བྱུང་།། དེ་ཡང
110a3 རྣམ་པའི་སྐྱོན་ཡིན་པས།། དེ་ལ་བརྟེན་པར་མི་བྱའོ།། དུས་གསུམ་གཅིག་སྟེ་ཐ་དད་མེད།། སྔོན་མེད་ཕྱིས་མེད་གདོད་ནས་འབྱུང་།། ཆོས་ཀུན་ཁྱབ་པས་གཅིག་པའི་ཕྱིར།། ཆེ་བའི་ཆེན་པོ་རང་བཞིན་གནས།། སྲིད
110a4 པ་གསུམ་ན་སྦྱོང་བ་ཡང་།། མིང་ཙམ་སྒྱུ་མར་སྣང་བ་སྟེ།། འཁོར་ལོ་བསྒྱུར་བའི་གནས་ཆེན་ཡང་།། སྒྱུ་མས་སྦྱོང་བའི་བསྟི་གནས་ཡིན།། རྣལ་འབྱོར་དུས་ལ་ལྟོས་པ་རྣམས།། དུས་དེ་འབྱུང་བར་མི་འགྱུར་ཏེ།། མ
110a5 བྲལ་སྨོན་པ་མེད་པས་ན།། སྟོང་པའི་མཚན་ཉིད་གསུངས་པ་བཞིན།། གཅིག་སྟེ་རྣམ་པ་ཡོངས་ཀྱིས་མེད།། རྣལ་འབྱོར་ནམ་མཁའི་བྱ་ལམ་གནས།། མ་བྱུང་མ་སྐྱེས་སྙིང་པོ་ལ།། སྒྲོས་བཏགས་ཆོས་ཀུན་ག་ལ
110a6 ཡོད།། ཕྱི་ནང་གཉིས་ཀ་ཕྱི་ཉིད་ནས།། ཟབ་མོ་ཆ་ཤས་རྟོག་ཡུལ་མེད།། སྲིད་པ་མིང་དུ་ལོབ་པའི་སྟོབས།། དེ་བས་ཏིང་འཛིན་སྙམ་དང་བྲལ།། དེ་ལ་ཐ་ཚིག་ཕྱི་དང་ནང་།། རང་བཞིན་ཕུང་པོ་ཁམས་བཞིན
iiif viewer powered by OpenSeadragon
