| e-texts navigator |
| Wylie |
10b1 འགྱུར་མེད་རྡོ་རྗེ་ལྟར།། དབྱེར་མེད་ཡེ་ཤེས་བྱ་བཙལ་བྲལ།། ཞེས་གསུངས་སོ།། དེ་ནས་རྡོ་རྗེ་སེམས་དཔས་འདི་སྐད་ཞུས་སོ།། རྣམ་དག་ཡེ་ཤེས་དཀྱིལ་འཁོར་ན།། འགྲོ་དྲུག་ཡེ་ནས་སངས་རྒྱས་ཀྱང་།། ལམ
10b2 སྟོབས་དྲག་པོས་བདག་ཞུགས་ཏེ།། རང་རྐྱེན་ལོག་པའི་ཤུགས་ཀྱིས་དཀྲུགས།། རང་བཞིན་རིན་ཆེན་ནོར་བྲལ་བས།། རིགས་དྲུག་གནས་སུ་འཁོར་བར་འཁྱམས།། དུས་འདིར་ཐུགས་རྗེའི་བྱིན་རླབས
10b3 ཀྱིས།། རྫོགས་པའི་སེམས་ལ་མོས་བསྐྱེད་པ།། དེ་བས་རྩོལ་བྲལ་འབྲས་བུ་ཡོད།། རྣམ་རྟོག་གཡོ་བ་ཅི་འགྱུ་བ།། རིག་པའི་དོན་ལ་གང་གིས་བསྟན།། ངེས་པའི་གསང་མཛོད་གང་གིས་མཐོང་།། ཞེས་གསུངས
10b4 སོ།། དེ་ནས་རིག་པའི་རྒྱལ་པོས་བཀའ་སྩལ་པ།། ཡེ་ཤེས་རྫོགས་པའི་སེམས་བསྐྱེད་བཟུང་།། སྤྲོས་པའི་སེམས་ལྡན་དོན་ལ་སྤྱོད།། རང་གཞག་རིག་པ་མ་ཡིན་པར།། བརྡ་སྒོ་དྲག་པོའི་རྗེས་མ་འབྲང་།། བདེ་ཆེན
10b5 གསང་བའི་འཁོར་ལོ་ལ།། གཉིས་སུ་མེད་པའི་རང་བཞིན་པས།། ཆོས་ཅན་ཆོས་གཉིས་གང་ཡང་མིན།། འདོད་པའི་བློ་ཡིས་གང་སྦྱར་བ།། དམན་པའི་སེམས་ལ་བསྟན་པར་ཟད།། བསམ་བྲལ་ཡེ་ཤེས་འཁོར་ལོ།
10b6 ལ།། ཆོས་དང་ཆོས་ཉིད་གང་འདོད་པ།། རང་བྱུང་གསང་བའི་སེམས་མ་ཤེས།། བདེ་མཆོག་འཁོར་ལོའི་དོན་མ་རྙེད།། མི་འགྱུར་གསལ་བའི་སེམས་དང་བྲལ།། ཡེ་ཤེས་རིན་ཆེན་འོད་ཀྱང་ནུབ།། འཁོར་བའི
iiif viewer powered by OpenSeadragon
