| e-texts navigator |
| Wylie |
10a1 མི་འགྱུར་ཀུན་དུ་བཟང་།། སེམས་ཉིད་བྱང་ཆུབ་རིགས་བདག་ལ།། ལུས་ངག་སེམས་ཀྱི་རྩོལ་མེད་པས།། ཏིང་འཛིན་མི་གཡོ་འཇུག་དང་བྲལ།། རང་བྱུང་འཁོར་ལོ་རོལ་པར་རོལ།། ཡེ་ཤེས་སྤྱོད་པ
10a2 པདྨ་ལྟར།། སྤྱོད་བཞིན་མ་ཆགས་ཡེ་ནས་དག། བསམ་དང་བྲལ་བའི་ཆོས་ཉིད་ལ།། ཡེ་ཤེས་འཁོར་ལོ་རང་བཞིན་ཏེ།། དུས་གསུམ་གཡོ་བ་མེད་པར་གནས།། རྟོག་པའི་དངོས་པོ་སྣང་བ་ཡང་།། རང་བྱུང་རིག་པའི
10a3 འཁོར་ལོས་གཅོད།། རིག་པ་རྒྱ་མཚོ་མཁའ་ལྟར་ཟབ།། མངོན་སུམ་སྣང་བའི་ཡེ་ཤེས་ལ།། སངས་རྒྱས་སེམས་ཅན་ཁྱད་མེད་ཀྱང་།། རང་དབང་སེམས་ལ་མི་གནས་ན།། སེམས་ཉིད་བདེ་བར་སྤྱོད་མི་ནུས།། འཛིན
10a4 མེད་དག་གི་ལྕགས་བཀྲོལ་ཡང་།། གོམས་པའི་བག་ཆགས་བཅིངས་དང་འདྲ།། ཡེ་ཤེས་འཁོར་ལོ་རབ་དབང་ན།། ཇི་ལྟར་གནས་ཀྱང་བྱ་རྩོལ་མེད།། རིག་པ་མཐའ་བྲལ་དཀྱིལ་འཁོར་ལ།། ལུས་ཀྱིས་རྩོལ་མེད
10a5 དཀྱིལ་འཁོར་གསལ།། རང་སྣང་རིག་པ་འོད་གསལ་ལ།། ངག་གི་རྩོལ་མེད་རིག་པའི་གསུང་།། མི་འགྱུར་ཀུན་བཟང་ཡེ་ཤེས་ལ།། ཐུགས་ཀྱི་རྩོལ་མེད་བསམ་དང་བྲལ།། སྣང་བ་གཟུགས་ཀྱི་སྣང་བ་ཀུན།། མཉམ
10a6 ཉིད་ཆོས་ཀྱི་སྐུ་རུ་ཐིམ།། གྲག་པ་སྒྲ་ཡི་སྣང་བ་ཀུན།། མཚོན་པའི་རང་རྟགས་གསུང་དུ་ཐིམ།། ཤེས་རིག་མ་ལུས་ཇི་སྙེད་པ།། ཐུགས་ཀྱི་མཚོན་པའི་རང་རྟགས་ཏེ།། ཡེ་ཤེས་རིག་པའི་ཐུགས་སུ་ཐིམ།། རིག་པ
iiif viewer powered by OpenSeadragon
