| e-texts navigator |
| Wylie |
109a1 རབ་ཐབས་ལ་བརྟེན་པས་འགྲུབ།། མིང་ཙམ་གཞན་ལ་བརྟེན་འདྲ་ཡང་།། མངོན་སུམ་བདེ་བ་རང་ལས་འབྱུང་།། ཆོ་འཕྲུལ་ཆེན་པོ་དཀའ་བ་མིན།། ཡོན་ཏན་ཀུན་གྱིས་སྟོབས་ཀྱི་རྣམས།། ཇི་བཞིན
109a2 རྟོགས་པའི་ཕྲ་བ་ལས།། དེ་མ་ཐག་ཏུ་འབྱུང་བར་འགྱུར།། སྣང་བ་མེད་པའི་ཆོས་ཉིད་ནི།། མ་བཙལ་བཞག་པས་བསྒོམ་པ་ཡིན།། དེ་དང་དེར་ནི་རྣམ་བཙལ་ན།། དེ་ལས་དེ་བཞིན་དེ་མི་འབྱུང་།། མཆོག་ཏུ་གསང
109a3 བའི་ཆོས་འདི་ནི།། རྣ་དབང་གཞན་ནས་ཐོས་མི་འགྱུར།། དེ་བཞིན་ལྕེ་ཡི་དབང་པོས་ཀྱང་།། དེ་ལ་བརྗོད་དུ་རྡུལ་ཙམ་མེད།། འགྲོ་བ་སྡུག་བསྔལ་བྱང་ཆུབ་སེམས།། ཀུན་ཏུ་ཆུབ་པས་རྣམ་པར་རོལ།། དེ་ལ་བསྐྱོད
109a4 པ་མེད་བཞིན་དུ།། ནམ་མཁའི་མཐའ་ལྟར་རྣམ་པར་གནས།། ཁྱད་པར་ཅིར་ཡང་མཚུངས་པ་ལ།། ལས་སོ་ཞེས་ནི་རྣམ་པར་བརྟགས།། ཅིས་ཏེ་ལས་ཀྱི་དབང་བཙན་ན།། རང་བྱུང་ཡེ་ཤེས་ཡོད་མ་ཡིན།། རྒྱུ་ཉིད་རྡོ།
109a5 རྗེ་རྐྱེན་དང་བྲལ།། མ་སྐྱེས་པས་ན་འཇིག་པ་མེད།། གདོད་ནས་སྙིང་པོ་བྱང་ཆུབ་ལ།། བཙལ་བའི་བསམ་པས་དབྱིངས་མི་བསྐྱོད།། ཡོན་ཏན་ཆེན་པོས་བསམ་གཏན་ན།། བསམ་གཏན་ཉིད་ལས་བསམ་དུ
109a6 མེད།། མ་བསམས་མ་སྦྱངས་ཆོས་བཞིན་དུ།། རྣམ་རྟོག་ཉིད་ལས་ཡེ་ཤེས་སྐྱེ།། ཕྲ་བའི་སྒོ་མོར་མིང་བཏགས་ནས།། སེམས་ཀྱིས་དབེན་པའི་ལམ་འཚོལ་ཞིང་།། དགོན་པའི་རྒྱུད་དུ་དབེན་འཛིན་པས།། བརྟགས་ན།
iiif viewer powered by OpenSeadragon
