| e-texts navigator |
| Wylie |
108b1 སྔགས་བཟླས་ལ་སོགས་པས།། ལྷག་པའི་དོན་ཀུན་གཟུང་བ་མེད།། བདག་ཏུ་བཟུང་བས་མི་གྲོལ་ཞིང་།། རྩོལ་བས་སྒྲུབ་པའི་གནས་མཆོག་འདི།། ཞེས་རྒྱ་ཆེར་བསྟན་ཏོ།། རྫོགས་པ་ཆེན་པོ་ཆོས་ཉིད་བྱང་ཆུབ་ཀྱི
108b2 སེམས་རིན་ཆེན་བཀོད་པ་རྣམ་པར་དབྱེ་བའི་རྒྱུད་ལས། བསྟན་པ་བསྡུས་པ་དྲི་ལན་བསྟན་པའི་ལེའུ་སྟེ་གཉིས་པའོ།། །། དེ་ནས་སངས་རྒྱས་ཐམས་ཅད་ཀྱི།། རང་བཞིན་གཉིས་མེད་ཀུན་ཏུ་བཟང་།། ཐམས
108b3 ཅད་ཆོས་ཀྱི་དེ་བཞིན་ཉིད།། ཐམས་ཅད་དོན་ཀུན་གསལ་བར་མཛད།། དེ་དག་ཆོས་རྣམས་ཐམས་ཅད་ཀྱི།། རང་བཞིན་བྱང་ཆུབ་སེམས་ཀྱི་རྒྱན།། དམིགས་མེད་སྙིང་པོ་མཐའ་འདས་པ།། གསང་བའི་རྒྱུད་ཆེན
108b4 བསྟན་པའི་སྒོ།། རྡོ་རྗེ་སེམས་དཔའ་ནམ་མཁའ་ཆེ།། ཀུན་བཟང་ཡངས་པ་ཆོས་ཀྱི་དབྱིངས།། རྣམ་དག་ལམ་ཆེན་ཀུན་སྒྲོལ་ཕྱིར།། མི་སྐྱེ་མི་འགག་ཅིར་མི་དགོངས།། བྱམས་པས་དོན་ཉིད་རྣམ་སྦྱང་ཕྱིར།། སྙིང་རྗེ
108b5 ཆེན་པོ་ཅིར་མི་མཛད།། ཆེ་བའི་ཆེ་བ་ཟབ་མོ་ཡི།། ཡོན་ཏན་ཅིར་ཡང་བསྔགས་པ་མེད།། དོན་རྣམས་ཇི་བཞིན་མི་བསྐྱེད་དེ།། བྱ་བ་མེད་པར་གྲོལ་བས་གྲོལ།། རང་བྱུང་ཡེ་ཤེས་བཙལ་མེད་པས།། གྲོལ་ནས་གྲོལ་བ
108b6 འི་ལམ་ཡང་སྟོན།། འབྱུང་བ་ཆེན་པོ་བཅོམ་ལྡན་འདས།། འགྲོ་བ་ཀུན་ལ་རང་བཞིན་གནས།། ཕྱིན་ཅི་ལོག་ཏུ་རྣམ་བརྟགས་ཀྱང་།། གྲོལ་བ་རང་བྱུང་གཞན་ལས་མིན།། ཆེ་བའི་ཡེ་ཤེས་རྙེད་དཀའ་བ།། ཤེས
iiif viewer powered by OpenSeadragon
