| e-texts navigator |
| Wylie |
108a1 ཤེས་བྲལ།། འབད་རྩོལ་འཁྲུལ་པས་ཀུན་བརྟགས་པའི།། འབྲས་བུ་དེ་དག་ཟག་བཅས་ཆོས།། སྤྱོད་པ་འཇུག་སྒོ་ཐ་དད་པས།། དམན་པས་གོང་མ་སྐྱེ་མི་འགྱུར།། བློ་མཆོག་ཡང་དག་སྦྱངས་པའི
108a2 ཚུལ།། ཕྲིན་ལས་ཀུན་གྱི་རྩོལ་བྲལ་ཞིང་།། ཡང་དག་དོན་ཀུན་མཉམ་པ་ཉིད།། ཐེག་པའི་ཡུལ་འདིས་གསལ་བར་བྱེད།། རྒྱུ་རྐྱེན་ལ་ལྟོས་འཁྲུལ་པ་ཉིད།། རང་བྱུང་ཡེ་ཤེས་གཞན་ན་མེད།། མཚོན་པའི་དཔེ་ཡིས
108a3 བརྗོད་མེད་ཅིང་།། ཕྱག་རྒྱའི་དཀྱིལ་འཁོར་སྣ་ཚོགས་གསལ།། འབྲས་བུ་རང་ལས་སྣང་བ་དག། དེས་ན་ཡེ་ནས་གནས་པའི་ཆོས།། སེམས་ཅན་བྱང་ཆུབ་སེམས་ཉིད་ལ།། ཀུན་ཏུ་བགྲོད་པས་གྲོལ་བ་ཉིད།། རྟོགས
108a4 པའི་སྤྱོད་ཡུལ་མཐའ་འདས་པ།། ཕྱོགས་མཉམ་ལྷུན་གྱིས་གྲུབ་པའི་དངོས།། བྱང་ཆུབ་སེམས་ཀྱི་དཀྱིལ་འཁོར་ཉིད།། དམིགས་དཀའ་དཔེ་དོན་ལས་འདས་ཤིང་།། དེ་ཡི་ཆེ་བས་ཀུན་ཏུ་ཁྱབ།། ལྷུན་གྱིས་གྲུབ་པའི
108a5 ཚོགས་རྣམས་ཀུན།། དུས་གསུམ་མཉམ་པའི་ངང་སྦྱོར་བས།། མཆོད་པའི་གནས་ཀུན་ཡོངས་རྒྱས་ཏེ།། གཉིས་མེད་རྣམ་པར་བཀོད་པའི་མཐུས།། དེ་དག་དཀྱིལ་འཁོར་མཉེས་པར་འགྱུར།། ལམ་ཀུན་རྫོགས་པའི
108a6 བདུད་རྩི་ལ།། ལྷག་པར་བྱིན་རླབས་བསྔོ་དང་བྲལ།། རྣམ་བཞི་ལྷུན་གྱིས་གྲུབ་པ་ནི།། དངོས་གྲུབ་གནས་ཀུན་མཉམ་རྫོགས་པའི།། སྦྱོར་སྒྲོལ་ལྷུན་གྱིས་གྲུབ་པ་ཡི།། གར་སྟབས་དགའ་བ་ཀུན་གྱི་གཞི།། གཏོར་མ
iiif viewer powered by OpenSeadragon
