| e-texts navigator |
| Wylie |
107b1 མེད།། གདམས་ངག་ལེགས་པའི་རིན་ཆེན་གཞི།། དེ་ལས་ངོ་མཚར་འབྲས་བུ་འབྱུང་།། དེ་ཉིད་ལམ་ཀུན་སྒོམ་བྱེད་ཅིང་།། ཚུལ་བཞིན་གནས་པས་རྣམ་པར་གྲོལ།། ཕྱི་ནང་གསང་བའི་ཐེག་པ་དག། གོལ་སྒྲིབ་རང
107b2 གི་ངང་གིས་སེལ།། དེ་ལས་རྣམ་ཀུན་མཚོན་པའི་ཕྱོགས།། འཛིན་པའི་དབང་གིས་ཀུན་ནས་སྣང་།། སྐྱོན་དང་ཡོན་ཏན་གཉིས་མེད་པ།། སྤང་བྱ་བླང་བའི་མཐའ་རྣམས་བྲལ།། ཐེག་པ་གཞན་ལས་སྤགས་པ་ཡི།།
107b3 དུས་གསུམ་མཉམ་པའི་རང་བཞིན་ལས།། ཆོས་ཀུན་གདོད་ནས་དག་པར་གནས།། དེ་དག་ཆེ་བའི་ཆེ་བ་ཉིད།། བསྟི་གནས་ཙམ་གྱི་མཚན་ཉིད་དུ།། སོ་སོའི་མཚན་མ་རྟགས་དང་བཅས།། ཡང་དག་རྩོལ་བ་ལས
107b4 འདས་པའི།། དོན་ཀུན་དཔེ་ལས་འདས་པའི་ཆོས།། ངེས་པའི་ལུང་ཀུན་ཚུལ་འཇུག་པའི།། ཐེག་པ་སྣ་ཚོགས་ཡུལ་དང་བྲལ།། དེ་དག་ཡུལ་ཆེན་གོལ་བའི་གནས།། གཟུང་འཛིན་རྣམ་པར་དག་པའི་གཞི།། ཐ་སྙད
107b5 མིང་དུ་གནས་མི་འགྱུར།། མཉམ་ཉིད་རིག་པའི་ངོ་བོ་ཡིས།། དོན་ཀུན་གསལ་བར་སྟོན་བྱེད་ཅིང་།། རིག་འཛིན་ཐ་དད་ལས་ཀུན་དག། གཉིས་མེད་ཡེ་ཤེས་ངོ་བོ་ཉིད།། དེ་ལྟར་ཆོ་འཕྲུལ་ཀུན་སྣང་བས།། རང་བྱུང
107b6 ཡེ་ཤེས་འཆར་བྱེད་ཅིང་།། ཡོན་ཏན་འཆར་བའི་གཏན་ཚིགས་ཀྱིས།། རེག་ན་རྩོལ་བསྒྲུབ་སྐྱོན་ཆེན་ཏེ།། མཚན་མའི་དཀྱིལ་འཁོར་ཀུན་ནས་འཇུག། ཁྲོ་བོ་རྟགས་རྣམས་གོམས་པའི་མཐུས།། དེར་སྣང་རང་གི་ཡེ
iiif viewer powered by OpenSeadragon
