| e-texts navigator |
| Wylie |
107a1 ལས།། ཐབས་ཀྱི་ཁྱད་པར་སྣ་ཚོགས་ཀྱིས།། ཡེ་ཤེས་རང་ལས་ཤར་བའི་ཚུལ།། མ་ནོར་ཆོ་འཕྲུལ་ཀུན་གྱི་སྐུ།། དེ་བཞིན་ངེས་པར་འཇུག་པའི་ཐབས།། རྩོལ་བཅས་གྲོལ་བའི་ཐབས་ཡིན་ཏེ།། དེ
107a2 དག་ངོ་བོ་རྣམ་དག་པས།། ཀུན་ཏུ་ཐོབ་པ་མེད་པ་དང་།། དེ་བཞིན་བརྗོད་པ་མེད་པའི་ཚུལ།། སྡུག་བསྔལ་ཆོས་ཉིད་ལོངས་སྤྱོད་རྒྱན།། ལས་ཀྱིས་མ་གྲུབ་ཡེ་ཤེས་སྟོབས།། བཙལ་དུ་མེད་པའི་སྙིང་པོ་ཉིད།། བསམ
107a3 གཏན་ཕྱོགས་འཛིན་རྣམ་བཅས་པ།། བསྒོམ་སྐྱོན་ཀུན་ཏུ་ཐ་དད་པས།། དེ་དག་ཚུལ་གྱིས་སྣ་ཚོགས་ཉིད།། མ་བྱུང་སྐྱེ་འགག་ཡུལ་ལས་འདས།། བསམ་གཏན་མཚན་མས་གོལ་འགྱུར་ཞིང་།། རེ་དང་དོགས་པའི
107a4 མཐར་གནས་པའོ།། ཆོས་རྣམས་ཐམས་ཅད་གཉིས་མེད་དོན།། དེ་ཡང་འཐད་པ་དཔེ་དང་བཅས།། དུས་གསུམ་བྱང་ཆུབ་ཆེན་པོའི་ལམ།། འོད་ལྔ་ཆོས་ཉིད་དབྱིངས་ཀྱི་རྒྱན།། རྟོགས་པའི་རང་བཞིན་ཀུན་ཤེས
107a5 པ།། སྒྲིབ་མེད་གཟོད་ནས་རྣམ་པར་དག། རེ་དོགས་ཆགས་པ་ཀུན་བྲལ་ཞིང་།། ཐམས་ཅད་ཡོན་ཏན་སྙིང་པོའི་སྐུ།། གཉིས་མེད་རྟོགས་པར་དཀའ་བའི་དོན།། ཐབས་དང་ཤེས་རབ་ངང་ཚུལ་བཟང་།། འཁོར
107a6 གནས་བྱང་ཆུབ་སེམས་ཀྱི་གྲོང་།། དེ་དག་རང་གི་ཆོས་ཉིད་དེ།། བླ་མའི་མན་ངག་རྣམ་བྲལ་བས།། ཡང་དག་སངས་རྒྱས་རྙེད་མི་འགྱུར།། ཀུན་ཏུ་ས་རྣམས་སྤྱོད་བྱེད་ཅིང་།། ཀུན་ཏུ་ལམ་མཆོག་བགྲོད་པ
iiif viewer powered by OpenSeadragon
