| e-texts navigator |
| Wylie |
106a1 མཐའ་ཡས་དོན་ཀུན་རབ་སྟོན་པའི།། ཐོག་མ་ཐ་མ་རྣམ་དག་པས།། གཉིས་མེད་ཡེ་ཤེས་ཆེན་པོ་ཉིད།། དེ་དག་ཆོས་ཀུན་རང་བྱུང་བ།། བྱང་ཆུབ་སེམས་ཀྱི་སྙིང་པོ་ཅན།། འདི་ལྟར་བསྟན་པའི་ཚོགས
106a2 རྣམས་ཀུན།། མ་འགག་རང་གི་ཡུལ་བཞིན་སྣང་།། དེ་ཉིད་སངས་རྒྱས་ཐམས་ཅད་ཀྱི།། ཐིག་ལེ་ཆེན་པོའི་གནས་ཉིད་དོ།། དེ་དག་སངས་རྒྱས་ཐམས་ཅད་ཀྱིས།། དོན་མཐུན་བསྟན་པར་འཇུག་པའི་ཕྱིར།། ཕྱི་ནང
106a3 ཀུན་ཏུ་བཟང་མོའི་ཆོས།། རྒྱ་ཆེན་སྐུ་གསུམ་བདག་ཉིད་བདག། རང་གི་ཚུལ་གྱིས་སྟོན་པར་མཛད།། ཨེ་མ་ཧོ་ཐམས་ཅད་ལས་བྱུང་བའི།། ཚུལ་འདི་ངོ་མཚར་རྨད་ཀྱི་ཆོས།། དེ་བཞིན་གཤེགས་པའི་ཆོས་ཉིད
106a4 དོ།། འགྲོ་བ་ཀུན་གྱི་ངོ་བོ་ཉིད།། དེ་དག་ཐེག་པ་ཇི་ལྟར་བྱུང་།། རྒྱུ་དང་འབྲས་བུའི་ཚུལ་རྣམས་ཀུན།། ཐིག་ལེ་ཆེན་པོར་བསྡུ་མཛད་པའི།། རྣམ་གྲངས་རྣམ་པ་དུ་ཡིས་བསྟན།། དེ་བཞིན་སྐབས་ཀྱི་དོན་རྣམས
106a5 དང་།། བྱེ་བྲག་རིག་པ་ཇི་ལྟར་འབྱུང་།། ཆེ་བའི་རྣམ་གྲངས་གང་ཞིག་གིས།། དོན་རྣམས་གཉིས་མེད་རྫོགས་པར་གནས།། རྒྱུད་དང་ལུང་དང་མན་ངག་རྣམས།། ཚིག་དོན་འབྲེལ་པ་ཇི་ལྟ་བུ།། རྣལ་འབྱོར་རྣམ་པ
106a6 གསུམ་དག་གིས།། དོན་གྱི་སྤྱི་ཁོག་ཇི་ལྟར་གཞག། ཆེ་བ་རྣམ་ལྔས་མཚམས་སྦྱར་བའི།། སྐབས་ཀྱི་འབྲེལ་པ་ཐ་དད་གཞི།། ཀུན་བཟང་ཡེ་ནས་རྫོགས་པའི་སྐུ།། དེ་ཉིད་གསུམ་གྱི་དོན་སྣང་བ།། ཕྱག་རྒྱའི་ཚོགས
iiif viewer powered by OpenSeadragon
