| e-texts navigator |
| Wylie |
105b1 པར་མཛད།། སོ་སོའི་རྟོག་ཚོགས་ཐེ་ཚོམ་རྣམས།། ཀུན་ནས་ལངས་ཏེ་གསོལ་བཏབ་ཅིང་།། མི་ཤེས་དྲ་བའི་མཐའ་འདི་རྣམས།། ཤེས་རབ་མཚོན་གྱིས་གཅད་པར་འདོད།། སངས་རྒྱས་ཀུན་ཡི་ངོ་བོ་ཉིད།། ཀུན
105b2 ནས་མ་འགགས་རྣམ་འཕྲུལ་ཞིང་།། དེ་རྣམས་རྟོགས་པས་དེ་ལྟར་མཛད།། དེ་དག་རང་བཞིན་གནས་ལ་སྦྱོར།། དེ་ནས་སངས་རྒྱས་ཐམས་ཅད་དང་།། བྱང་ཆུབ་སེམས་ཚོགས་དགའ་བའི་མཐུས།། རྒྱུད་ཆེན་གསང
105b3 བ་སྔོན་བྱུང་བར།། རྟོག་པའི་ཐེ་ཚོམ་མི་ཤིགས་པ།། ངེས་པའི་དོན་གྱིས་གསལ་བའི་ཕྱིར།། སྟོན་པ་མཆོག་ལ་གསོལ་གདབ་ཅིང་།། ཡང་དག་ཡེ་ཤེས་རྣམ་པར་གནས།། བཅོམ་ལྡན་བདག་ཅག་སངས་རྒྱས
105b4 ཚོགས།། མི་གཉིས་ཡེ་ཤེས་འབྲལ་བ་མེད།། ཐུགས་ཀྱི་དཀྱིལ་འཁོར་རྣམ་གསལ་བ།། ཕྱོགས་དུས་སྒྲིབ་མེད་སྣང་བའི་མཐུས།། རང་བཞིན་ཆོས་རྣམས་གསལ་བར་སྣང་།། ཐབས་མཁས་བྱང་ཆུབ་སེམས་དཔའ
105b5 རྣམས།། ཐེག་མཆོག་བླ་ན་མེད་གཞུང་འདིར།། ཐུགས་རྗེ་ཡེ་ཤེས་རྣམ་དག་པ།། ཐམས་ཅད་ཀུན་དགོངས་གཟིགས་མཛད་དེ།། སྣང་བའི་སྐབས་དབྱེ་མཛོད་ཅིག་ལགས།། ཞེས་གསོལ་བ་ཡང་དག་པར་བཏབ
105b6 པོ།། རྫོགས་པ་ཆེན་པོ་ཆོས་ཉིད་བྱང་ཆུབ་ཀྱི་སེམས་རིན་ཆེན་བཀོད་པ་རྣམ་པར་དབྱེ་བའི་རྒྱུད་ལས། བསྟན་པ་ཇི་ལྟར་སྣང་ཞིང་སྦྱོར་བའི་སྒོ་བསྟན་པའི་ལེའུ་སྟེ་དང་པོའོ།། །། དེ་ནས་ཡང་དག་རྒྱ་ཆེན་པོའི།།
iiif viewer powered by OpenSeadragon
