| e-texts navigator |
| Wylie |
105a1 ཡས་པར།། སྟོང་གསུམ་རྣམ་པར་བཀོད་པ་ཀུན།། ཐུགས་རྗེ་བྱང་ཆུབ་སེམས་ཀྱིས་མཛེས།། རང་གཞན་ཆོས་ཀུན་རྣམ་དག་པའོ།། དེ་ཚེ་ཕྱོགས་བཅུའི་བདེ་གཤེགས་རྣམས།། བདེ་གཤེགས་བྱིན
105a2 རླབས་སྣང་བའི་མཐུས།། རྡུལ་སྙེད་ཀུན་ནས་འདུས་པ་དང་།། ཏིལ་གྱི་གང་བུ་ཇི་བཞིན་པ།། དེ་དག་རང་ལས་མི་གཞན་ཅིང་།། ཀུན་ཏུ་སྤྲུལ་པར་རྣམ་པར་བརྒྱན།། རིགས་ཀྱི་ཞིང་ཁམས་བསམ་ཡས་ཀྱིས།། ཕྱག
105a3 རྒྱ་ཐབས་དང་ཤེས་རབ་གནས།། དེ་ཚེ་བྱང་ཆུབ་སེམས་དཔའི་ཚོགས།། ས་ཆེན་ཀུན་ནས་འདུས་པ་དག། རྨད་བྱུང་ཆོས་ཀྱི་ཚུལ་བཞིན་དུ།། རང་རིག་མཛད་པས་རྣམ་པར་འཁོར།། རང་རིག་སྟོན་པས་གཙོར་བྱས
105a4 རྣམས།། དཀྱིལ་འཁོར་གསང་བའི་ཚུལ་བྱུང་བས།། དོན་མཐུན་ཐེག་པ་སྣ་ཚོགས་ཀྱིས།། རང་གི་ཕྲིན་ལས་ལ་གནས་པའོ།། ཕྱོགས་བཅུའི་དེ་བཞིན་གཤེགས་པ་རྣམས།། བྱང་ཆུབ་སེམས་དཔའི་ཚོགས་ཀུན
105a5 གྱིས།། རང་རིག་སྟོན་པ་མཉེས་མཛད་ཅིང་།། ཞིང་ཁམས་བཀོད་པ་རྣམ་པར་སྦྱོར།། དེ་ཚེ་བྱིན་རླབས་སྣང་བའི་ཚོགས།། ཐམས་ཅད་ཆོས་ཀྱི་དེ་བཞིན་ཉིད།། དོན་ཀུན་སྣང་བ་མ་འགགས་པས།། ངོ་མཚར་ཕྱག་རྒྱ
105a6 ཉི་ཤུ་ལྔ།། ཆོ་འཕྲུལ་རྨད་དུ་བྱུང་བའི་ཚོགས།། ཐེག་པ་ཀུན་ལས་སྤགས་པ་ཡི།། ངོ་བོ་ཉིད་ཀྱི་སངས་རྒྱས་དག། ཕྱོགས་དུས་ཀུན་ན་གསལ་བར་སྣང་།། རང་གི་ཡེ་ཤེས་གནས་ཀྱིས་འཇུག། སྟོན་པ་ཀུན་གྱིས་བསྟན
iiif viewer powered by OpenSeadragon
