| e-texts navigator |
| Wylie |
104b1 མཆོག་རྨད་དུ་བྱུང་བའི་མན་ངག། ཆོས་ཆེན་པོ་རྨད་དུ་བྱུང་བ་ལས་བྱང་ཆུབ་སེམས་རྨད་དུ་བྱུང་བའི་ལེའུ་སྟེ་ཉི་ཤུ་པའོ།། །། རྫོགས་སོ།། །
104b2 རྒྱ་གར་སྐད་དུ། མ་ཧཱ་སནྣི་དྷརྨ་ཏཱ་བོ་དྷི་ཙིཏྟ་རཏྣ་བྱཱ་ཧ་བི་བྷེ་ད་ཏནྟྲ་ནཱ་མ། བོད་སྐད་དུ། རྫོགས་པ་ཆེན་པོ་ཆོས་ཉིད་བྱང་ཆུབ་ཀྱི་སེམས། རིན་ཆེན་བཀོད་པ་རྣམ་པར་དབྱེ་བའི་རྒྱུད་ཅེས་བྱ་བ། དཔལ
104b3 ཀུན་ཏུ་བཟང་པོ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་གི་ཚེ་ན། བྱིན་རླབས་ལས། བཅོམ་ལྡན་ཀུན་ཏུ་བཟང་པོ་ཉིད།། དུས་ཀུན་སྣང་བ་མ་འགགས་ཤིང་།། རང་བཞིན་ཡེ་ཤེས་ཀུན་སྤྱོད
104b4 མཛད།། ཆོས་རྣམས་ཀུན་གྱིས་རྣམ་བརྒྱན་དེ།། ཀུན་ཏུ་སྐུ་ཡི་དཀྱིལ་འཁོར་དང་།། གསུང་ཐུགས་ཡོན་ཏན་ཕྲིན་ལས་ཚོགས།། རང་གི་དཀྱིལ་འཁོར་རྣམས་བརྗོད་ཅིང་།། སངས་རྒྱས་ཀུན་གྱིས་བསྟོད་བྱེད་པའོ།། མི
104b5 གཉིས་ཤེས་རབ་འབྲེལ་བའི་གཟུང་།། རིགས་ཀྱི་དཀྱིལ་འཁོར་ཀུན་ཡུལ་སྦྱོར།། ཐུགས་རྗེ་ཆེ་དང་ཐབས་ཆེན་པོ།། ཡོན་ཏན་མ་འགགས་ཀུན་གསལ་ཞིང་།། ཕྱག་རྒྱའི་དཀྱིལ་འཁོར་ཇི་བཞིན་པར།། ཕྱག་རྒྱ་བསྟན
104b6 པའི་ཏིང་ངེ་འཛིན།། འོག་མིན་གནས་མཆོག་རྣམ་དག་མཁའ།། ཡེ་ཤེས་རྣམ་པར་འཕྲུལ་པའི་གནས།། རང་བཞིན་ཆོས་རྣམས་འགགས་མེད་ཅིང་།། ཐམས་ཅད་རྒྱན་གྱིས་རྣམ་པར་སྤྲས།། ཞིང་ཁམས་ཆེན་པོ་མཐའ
iiif viewer powered by OpenSeadragon
