| e-texts navigator |
| Wylie |
104a1 ཆུད་དེ་མཁྱེན་ནོ།། སངས་རྒྱས་བཅོམ་ལྡན་འདས་ནི་སྣོད་ཇི་ལྟ་བ་བཞིན་མི་མཉམ་པ་དང་མཉམ་པའི་སྨོན་ལམ་གྱི་སྟོབས་དང་ལྡན་པས་ཐུགས་སུ་ཆུད་དེ་མཁྱེན་ཏོ།། སངས་རྒྱས་བཅོམ་ལྡན་འདས་ནི
104a2 ཤེས་རབ་ཚད་མེད་པ་བསགས་པས་ཐུགས་སུ་ཆུད་དེ་མཁྱེན་ནོ།། སངས་རྒྱས་བཅོམ་ལྡན་འདས་ནི་སྤྱོད་པ་ཚད་མེད་པའོ།། སངས་རྒྱས་བཅོམ་ལྡན་འདས་ནི་སྐྱེ་བ་ཚད་མེད་པ་རྣམས་ཀྱི་སྣོད་དུ་གྱུར་པར་མཛད།།
104a3 སངས་རྒྱས་བཅོམ་ལྡན་འདས་ནི། སྣོད་ཇི་ལྟ་བ་བཞིན་དོན་དེ་ལྟ་བུར་མཛད་པས། སྣོད་ཇི་བཞིན་དུ་སེམས་ཅན་གྱི་དོན་མཛད་དོ།། ཇི་ལྟར་གདུལ་བ་བཞིན་སེམས་ཅན་གྱི་དོན་མཛད་པ་དང་། མོས་པ་ཇི་བཞིན་དུ
104a4 སེམས་ཅན་གྱི་དོན་མཛད་པ་དང་། ཐུགས་སུ་ཆུད་དེ་མཁྱེན་ཅིང་སྣོད་དང་སྦྱར་ཞིང་གསུངས་པ་ཡིན་ནོ།། སེམས་དཔའ་ཆེན་པོ་གསུང་རྡོ་རྗེ་སྨྲ་བ་ཉིད་དོ།། སྦྱོར་བ་ནི་ལུས་ངག་ཡིད་གསུམ་སོ་སོ་མ་ཡིན་ཐ་མི་དད་པ
104a5 གཉིས་སུ་མེད་པར་རིག་པར་བྱེད་པ་ནི་སྦྱོར་བའོ།། སྒྲོལ་བ་ནི་ལུས་དང་ངག་དང་སེམས་དབྱེར་མེད་པ་རྡོ་རྗེ་ཉིད་གང་ནའང་མི་གནས་པ་དང་། ཆོས་ཐམས་ཅད་གང་ནའང་མི་གནས་པ་དང་། ཆོས་ཐམས་ཅད་གང
104a6 ནའང་མི་གནས་པ་ཉིད་སྒྲོལ་བའོ།། ཆོས་ཆེན་པོ་རྨད་དུ་བྱུང་བ་ཉིད་གསང་བའི་རྒྱུད་དུ་བྱུང་བའི་གསང་བ་ཆེན་པོ་གསང་བ་འབུམ་སྡེ་ལས།། རྡོ་རྗེ་སེམས་དཔའ་རིག་པ་བསྟན་པ་གསང་བ་ཐམས་ཅད་ཀྱི་གསང་བ
iiif viewer powered by OpenSeadragon
