| e-texts navigator |
| Wylie |
103b1 ཅན་མིང་མེད་པས་རོལ་པའི་དགེས་པ་ལས་མ་གཏོགས་པར་སྡུག་བསྔལ་གྱི་མིང་མེད་པར་སྐུ་གསུང་ཐུགས་ཉིད་དུ་འཁོར་བའི་ཆོས་ཀྱི་འཁོར་ལོ་བསྐོར་ཞིང་བསྐོར་བ་མ་ཡིན་པར་འཁོར་བའི་རྒྱུད་དང་འཁོར་བའི
103b2 ཆོས་ཡེ་ནས་མེད་པར་བྱང་ཆུབ་སེམས་ཀྱི་ས་ལ་སྦྱོར་བ་མ་གཏོགས་པར་དམྱལ་བའི་མིང་ཡང་མེད་པ་དང་། ཐམས་ཅད་མཁྱེན་པ་ལས་མ་གཏོགས་པར་མ་རིག་པ་མིང་ཡང་མེད་པའི་ཆོས་དོན་མ་ནོར་བར་ཐུགས་སུ
103b3 ཆུད་པ། ཐུགས་བྱང་ཆུབ་ཀྱི་སེམས་རིན་པོ་ཆེ་སྒྲོན་མའི་གསང་བ། གསང་བ་རྨད་དུ་བྱུང་བའི་མན་ངག་རྫོགས་པར་དུས་གསུམ་གྱི་བདེ་བར་གཤེགས་པ་ཐམས་ཅད་དང་། བདག་གི་དོན་དུ་བྱང་ཆུབ་ཀྱི་སེམས་རྨད
103b4 དུ་བྱུང་བའི་དོན་འདི་ལྟ་བུ་རྫོགས་པར་གསུངས་པ་དེ་རྒྱུ་གང་གིས་མཁྱེན་པར་གྱུར། དེ་སྐད་གསོལ་པ་དང་། བཅོམ་ལྡན་འདས་ཀུན་རིག་རྣམ་པར་སྣང་མཛད་ཀྱིས་བཀའ་སྩལ་པ། སེམས་དཔའ་ཆེན་པོ་ཉོན
103b5 ཅིག། སངས་རྒྱས་བཅོམ་ལྡན་འདས་ནི་ཚད་མེད་པའི་ཡོན་ཏན་གྱིས་བསོད་ནམས་ཀྱི་ཚོགས་དཔག་ཏུ་མེད་པ་རྣམས་ཡང་དག་པར་བསགས་ཏེ་མཁྱེན་ཏོ།། ཡང་དག་པར་རྫོགས་པའི་སངས་རྒྱས་ནི་ཚད་མེད་པར
103b6 ཡང་དག་པའི་ཐབས་རྫོགས་པར་ཐུགས་སུ་ཆུད་ཅིང་མཁྱེན་ཏོ།། ཚད་མེད་པའི་ཡོན་ཏན་གྱི་འབྱུང་ཁུངས་སུ་གྱུར་པས་ཐུགས་སུ་ཆུད་ཅིང་མཁྱེན་ནོ།། མི་མཉམ་པ་དང་མཉམ་པའི་ཡེ་ཤེས་དང་ལྡན་པས་ཐུགས་སུ
iiif viewer powered by OpenSeadragon
