| e-texts navigator |
| Wylie |
103a1 རྒྱུ་མེད་ཀུན་གྱི་རིག། དམྱལ་བའི་མེ་ལྕེའི་ཕྲེང་བ་རྣམས།། བྱང་ཆུབ་སེམས་ཡིན་གནོད་པ་འཇིལ།། དེ་ཕྱིར་སངས་རྒྱས་འབའ་ཞིག་རྣལ་འབྱོར་མེད།། དེ་ལ་ལམ་མེད་འགྲོ་བ་མེད།། སངས་རྒྱས་མེད
103a2 དེ་རྒྱུ་ཡང་མེད།། བྱང་ཆུབ་མེད་དེ་མིང་ཡང་མེད།། བྱང་ཆུབ་ཉིད་ཀྱི་ས་ཡང་མེད།། སེམས་ཅན་མེད་དེ་སྲོག་ཀྱང་མེད།། ཉོན་མོངས་མེད་དེ་འཁོར་བའང་མེད།། བདེ་བ་མེད་དེ་འབྲས་བུའང་མེད།། རེ་བ་མེད་དེ
103a3 དོགས་པའང་མེད།། གནས་པ་མེད་ཅིང་ཡུལ་ཡང་མེད།། ཐེག་པ་མེད་ཅིང་འཇུག་པ་མེད།། སྨོན་པ་མེད་ཅིང་བསྒྲུབ་པ་མེད།། སྤང་པ་མེད་ཅིང་ལེན་པ་མེད།། སེམས་ཀྱི་གནས་ཀྱི་ཡུལ་མེད་པས།། བསྒོམ་དུ་མེད
103a4 པའི་བྱང་ཆུབ་སེམས།། ཆོས་ཆེན་པོ་རྨད་དུ་བྱུང་བ་ལས། གསང་བ་རྨད་དུ་བྱུང་བའི་ལེའུ་སྟེ་བཅུ་དགུ་པའོ།། །། དེ་ནས་སེམས་དཔའ་ཆེན་པོས་གསོལ་པ། བཅོམ་ལྡན་འདས་སྔོན་ཆད་མ་མཐོང་མ་རིག
103a5 པའོ།། བཅོམ་ལྡན་འདས་བདག་དང་བདེ་བར་གཤེགས་པ་ཐམས་ཅད་ཀྱིས་སྔོན་མ་མཐོང་མ་རིག་པ་ངོ་མཚར་ཆེ་བའི་གསང་བ་ཆེ་བའི་ཆོས། དེ་བཞིན་གཤེགས་པའི་ཐེག་པ་གང་དང་ཡང་མི་མཐུན་པ། གསང
103a6 སྔགས་ཀྱི་ཐེག་པ་གང་དང་ཡང་མི་མཉམ་པ། གསང་བ་གང་དང་མ་འདྲེས་པ། ཐེག་པ་གང་དང་ཡང་ཐུན་མོང་མིན་པའི་ཆོས་བྱང་ཆུབ་ཀྱི་སེམས་མིན་པའི་ཆོས་དང་ཆོས་ཉིད་མེད་པ། སངས་རྒྱས་མེད་པར་སེམས
iiif viewer powered by OpenSeadragon
