| e-texts navigator |
| Wylie |
102a1 དོ།། ཆོས་ཆེན་པོ་རྨད་དུ་བྱུང་བ་ཉིད་དོ།། སངས་རྒྱས་རྨད་དུ་བྱུང་བ་ཉིད་དོ།། རོལ་པ་རྨད་དུ་བྱུང་བ་ཉིད་དོ།། མཁྱེན་པ་རྨད་དུ་བྱུང་བ་ཉིད་དོ།། ཡེ་ཤེས་རྨད་དུ་བྱུང་བ་ཉིད་དོ།། ཆོ་འཕྲུལ་ཆེན་པོ་དང
102a2 རྫུ་འཕྲུལ་ཆེན་པོ་དང་། འཕྲུལ་ཆེན་པོ་རྨད་དུ་བྱུང་བ་ཉིད་དོ།། མཛད་པ་རྨད་དུ་བྱུང་བ་ཉིད་དོ།། སྐུ་གསུང་ཐུགས་རྨད་དུ་བྱུང་བ་ཉིད་དོ།། དུས་གསུམ་རྨད་དུ་བྱུང་བ་ཉིད་དོ།། སྲིད་པ་གསུམ་རྨད་དུ་བྱུང་བ་ཉིད
102a3 དོ།། ཆོས་ཆེན་པོ་རྨད་དུ་བྱུང་བ་ལས། ཁམས་གསུམ་བླ་ན་མེད་པ་གསང་བ་མཆོག་གི་དཀྱིལ་འཁོར་རྨད་དུ་བྱུང་བ་བསྟན་པའི་ལེའུ་སྟེ་བཅུ་བདུན་པའོ།། །། སེམས་དཔའ་ཆེན་པོ་དེ་བས་ན།། སངས་རྒྱས
102a4 སངས་རྒྱས་མ་ཡིན་པའི།། སེམས་ཅན་སེམས་ཀྱི་རྒྱུ་ནི་གང་།། བྱང་ཆུབ་སེམས་ནི་མ་ཡིན་པའི།། ཆོས་དང་ཆོས་ཉིད་དངོས་ནི་གང་།། དཀྱིལ་འཁོར་མང་པོ་གསུངས་པ་ཉིད།། རྫོགས་པའི་དཀྱིལ་འཁོར་བདག་ལ
102a5 འདུས།། དཀྱིལ་འཁོར་དཀྱིལ་འཁོར་ཞེས་བྱ་བ།། ཡེ་ཤེས་རྡོ་རྗེའི་ཐུགས་ལ་གནས།། རྡོ་རྗེ་ཡེ་ཤེས་མཆོག་ཉིད་ནི།། བདག་ཉིད་སྦྱོར་བ་བསྟན་པའོ།། ཐམས་ཅད་རང་བྱུང་དཀྱིལ་འཁོར་རོ།། དཀྱིལ་འཁོར་ལྔར་མ
102a6 འདུས་པའི་ཆོས།། སངས་རྒྱས་ཉིད་ལ་མི་མངའ་འོ།། ཀྱེ་སེམས་དཔའ་ཆེན་པོ། སྐྱེ་བའི་སེམས་ཅན་ཐམས་ཅད་ཀྱང་། དབྱིངས་གསུམ་རྣམ་པར་དག་པའི་སྐྱེ་བ་མེད་པའི་སངས་རྒྱས།། བྱང་ཆུབ་སེམས་ཀྱི་ངོ་བོ
iiif viewer powered by OpenSeadragon
