| e-texts navigator |
| Wylie |
100b1 པོ་ཆེའི་རིགས་ལྷུན་གྱིས་རྫོགས་ཏེ། དེ་ལ་གཅིག་ཏུ་འདུས་ཏེ་དབྱེར་མེད་པ་ནི་དཀྱིལ། མང་པོ་ཚོགས་པ་ནི་འཁོར་ཏེ། ཚོར་བའི་ཕུང་པོ་མངོན་པར་རྫོགས་པར་སངས་རྒྱས་པ་ནི། རིན་པོ་ཆེའི་འབྱུང་ལྡན་ཞེས་བྱ
100b2 བའི་དཀྱིལ་འཁོར་ཆེན་པོ་སྟེ། དབང་ཆེན་རོལ་པའི་དཀྱིལ་འཁོར་ཉིད་དོ།། བྱང་ཆུབ་ཀྱི་སེམས་ནི་ཐུགས་རིན་པོ་ཆེའོ།། ཕྱག་རྒྱ་ནི་དབང་སྦྱིན་པའི་ཕྱག་རྒྱའོ།། སྐུ་ནི་རིན་ཆེན་འབྱུང་ལྡན་གྱི་སྐུའོ།། ས་ནི་ཡི་གེ
100b3 འཁོར་ལོའི་སའོ།། སེམས་དཔའ་ཆེན་པོ་ཚོར་བའི་ཕུང་པོ་ལས་འདུ་ཤེས་སྣ་ཚོགས་འབྱུང་བ་ཉིད་ནི་པདྨའི་རིགས་ཏེ། འདུ་ཤེས་མང་པོ་སྣ་ཚོགས་པ་འབྱུང་བ་ཉིད་ནི། པདྨའི་རིགས་ལྷུན་གྱིས་རྫོགས་ཏེ། པདྨའི
100b4 རིགས་ཀྱི་ལྷ་དང་ལྷ་མོ་དང་། སེམས་དཔའ་དང་སེམས་མ་ལ་སོགས་པ་རྫོགས་པས་ཆོས་ཀྱི་དཀྱིལ་འཁོར་ཆེན་པོ་རང་བྱུང་བ་ཉིད་ཡིན་ཏེ། སྐུའི་འཁོར་ལོ་བསྐོར་བའི་དཀྱིལ་འཁོར་ཉིད་དོ།། ཐུགས་རྗེ་འབྱུང་བ
100b5 ཞེས་ཀྱང་གསུངས་སོ།། སྒྲ་ནི་བསོད་ནམས་ཀྱི་སྒྲའོ།། བྱང་ཆུབ་ཀྱི་སེམས་ནི་ཡེ་ཤེས་ཀུན་ཏུ་སྤྲོས་པའོ།། ས་ནི་རྡོ་རྗེ་འཛིན་གྱི་སའོ།། ཕྱག་རྒྱ་ནི་ཆོས་ཀྱི་ཕྱག་རྒྱའོ།། སེམས་དཔའ་ཆེན་པོ་འདུ་ཤེས་ཀྱི་ཕུང་པོ་ལས
100b6 འདུ་བྱེད་ཀྱི་ཕུང་པོ་སྣ་ཚོགས་འབྱུང་བ་ནི་ལས་ཀྱི་རིགས་ཏེ། འདུ་བྱེད་མང་པོ་འབྱུང་བ་ཉིད་ལས་ཀྱི་རིགས་ཀྱི་ལྷ་དང་ལྷ་མོ་དང་། སེམས་དཔའ་དང་སེམས་མ་ལ་སོགས་ཏེ། ལས་ཀྱི་རིགས་ལྷུན་གྱིས་རྫོགས་ཏེ།
iiif viewer powered by OpenSeadragon
