| e-texts navigator |
| Wylie |
9b1 རེ་རེ་ལ།། དེ་རེ་ང་ཡི་ངོ་བོ་རེ་རེ་སྟེ།། སྐུ་རེ་དང་ནི་གསུང་རེ་ཐུགས་རེ་དང་།། ཀུན་གྱིས་མཐོང་བའི་ངོ་བོ་རེ་རེའོ།། དེ་ཡང་ང་ཡི་རང་བཞིན་བསྟན་པ་ཡིན།། ཡང་དག་ཀུན་གྱི་ངོ་བོ་བྱང་ཆུབ་ངས།། སྤྲོས་མེད
9b2 དབྱིངས་ཀྱི་ངོ་བོ་ང་ཡིན་ལ།། སངས་རྒྱས་ཀུན་གྱི་གནས་ཆེན་ང་ཡིན་པས།། རོལ་པ་ཁམས་གསུམ་རྒྱུད་དྲུག་ང་ལས་ཤར།། བདེ་དང་སྡུག་བསྔལ་ལས་གྱི་ཁྱད་པར་ཏེ།། ཡང་དག་མ་ནོར་ང་ཡི་ཐུགས་རྗེ་བསྟན།། རྒྱུ
9b3 དང་འབྲས་བུའི་ཐེག་པ་ཅན་རྣམས་ལ།། ཀུན་བྱེད་ང་ཡི་ལུང་འདི་བསྟན་མི་བྱ།། ང་ཡི་ལུང་འདི་ངེས་པར་བསྟན་བྱས་ན།། དགེ་སྡིག་ལས་ལ་རྒྱུ་འབྲས་ཡོད་ཟེར་ནས།། ཡང་དག་ང་ལ་སྒོ་དང་སྐུར་བཏབ་པས།། ཡང
9b4 དག་ང་དང་ཡུན་དུ་ཕྲད་མི་འགྱུར།། ང་ནི་སྟོན་པ་ཀུན་བྱེད་བྱང་ཆུབ་སེམས།། བྱང་ཆུབ་སེམས་ནི་ཀུན་བྱེད་རྒྱལ་པོ་སྟེ།། དུས་གསུམ་སངས་རྒྱས་བྱང་ཆུབ་སེམས་ཀྱིས་བྱས། ཁམས་གསུམ་སེམས་ཅན་བྱང་ཆུབ
9b5 སེམས་ཀྱིས་བྱས།། སྣང་སྲིད་སྣོད་བཅུད་བྱང་ཆུབ་སེམས་ཀྱིས་བྱས།། རྒྱུ་འབྲས་དཔེ་དོན་གཏན་ཚིགས་མཐུན་པར་བྱས།། རྒྱུ་ཡི་དུས་ན་འབྱུང་ཆེན་ལྔ་བྱས་ལ།། འབྲས་བུའི་དུས་ན་ཁམས་གསུམ་སེམས་ཅན
9b6 ས།། དཔེ་ཡི་དུས་ན་ཀུན་དཔེ་ནམ་མཁའ་བྱེད།། དོན་གྱི་དུས་ན་ཀུན་དོན་སྐེ་མེད་བྱེད།། རྟགས་ཀྱི་དུས་ན་ཀུན་བྱེད་བྱང་ཆུབ་སེམས།། གཏན་ཚིགས་དུས་ན་རང་འབྱུང་ཡེ་ཤེས་སྟོན།། རྒྱུ་འབྲས་དཔེ་དོན་གཏན
iiif viewer powered by OpenSeadragon
