| e-texts navigator |
| Wylie |
9a1 བྱ།། ང་ཡི་རང་བཞིན་སྤྲོས་བྲལ་མི་ཕྱེད་པས།། ཆོས་དབྱིངས་གནས་འདི་ང་ཡིས་བྱས་པ་ཡིན།། བྱང་ཆུབ་ཉིད་ལས་དེ་ན་གཞན་མི་བཞུགས།། ང་ཡི་རང་བཞིན་མ་བསྒྲིབས་ཀུན་ཁྱབ་པས།། གསལ
9a2 བའི་ནམ་མཁའ་ཡེ་ཤེས་གཞལ་ཡས་ཁང་།། རང་འབྱུང་ཡེ་ཤེས་ཉིད་ལས་གཞན་མི་བཞུགས།། ང་ནི་ཐམས་ཅད་འབྱུང་བའི་སྙིང་པོ་བས།། ཆེན་པོ་ལྔ་དང་ཁམས་གསུམ་རྒུད་དྲུག་རྣམས།། ང་ཡི་སྐུ་གསུང་ཐུགས
9a3 ལས་གཞན་མེད་པས།། ང་ཡི་རང་བཞིན་ང་ཡིས་བཀོད་པ་ཡིན།། དུས་གསུམ་སངས་རྒྱས་ཁམས་གསུམ་སེམས་ཅན་ཡང་།། ང་ཡི་རང་བཞིན་ཁྱེད་ལ་བསྟན་པ་ཡིན།། ང་ཡི་རང་བཞིན་མ་སྐྱེས་སྤྲོས་བྲལ་ཕྱིར།། མི
9a4 གནས་སྤྱོད་ཡུལ་ཀུན་ལས་འདས་པ་ཡིན།། མི་སྣང་ཏིང་འཛིན་བསྒོམ་པའི་ཡུལ་ལས་འདས།། ང་ཡི་རང་བཞིན་ཁྱེད་ལ་མི་སྣང་ཡང་།། ང་ཡི་ངོ་བོ་ཁྱོད་ལ་སྣང་བྱས་པས།། ཁམས་གསུམ་ཆེན་པོ་ལྔ་དང་རྒྱུད་དྲུག
9a5 རྣམས།། སྣང་བའི་རང་བཞིན་བྱང་ཆུབ་སེམས་ལྔ་ལས།། རང་འབྱུང་སྙིང་པོ་ཡེ་ཤེས་ལྔ་བྱུང་བས།། ཡེ་ཤེས་ལྔ་ཡི་ཡུལ་ལྔ་གསལ་བྱུང་བས།། འདོད་པ་ལྔ་བྱུང་ཆགས་པ་ལྔ་བྱུང་ནས།། ཆགས་ལྔ་སོ་སོར་སྨིན་པའི
9a6 འབྲས་བུ་ནི།། འགྲོ་བ་དྲུག་གི་ཁྱད་པར་སོ་སོར་སྣང་།། འདི་ལྟར་སྣང་བ་ང་ཡིས་ཁྱེད་ལ་བསྟན་པ་ཡིན།། སྐུ་གསུམ་ཐེག་པ་རྣམ་པ་དྲུག་བསྟན་པ།། ང་ཡིས་བསྟན་ན་ཁྱེད་ཀྱིས་མ་མཐོང་སྟེ།། དེ་རེ་ང་ཡི་རང་བཞིན
iiif viewer powered by OpenSeadragon
