| e-texts navigator |
| Wylie |
99a1 གཡོས་ཀྱང་།། རྣམ་པའི་ཁྱད་པར་མ་བཅོས་སོ་སོར་གསལ།། དེ་ལྟར་གང་གིས་རིག་ཅིང་རྟོགས་པ་ཉིད།། ཀུན་བྱེད་རྒྱལ་པོའི་སྲས་སུ་ལུང་བསྟན་ཏོ།། ཡེ་ཤེས་སྐྱེ་མེད་རྟོགས་པ་ཇི་ལྟ་བར།། སེམས
99a2 དཔའ་རྡོ་རྗེས་དེ་ལྟར་རྟོགས་པར་གྱིས།། ཀྱེ་ང་ནི་ཡེ་ཤེས་ཀུན་བྱེད་རྒྱལ་པོ་སྟེ།། མ་རིག་པ་ཡི་ལྟ་བ་སེལ་བར་བྱེད།། སྒྲིབ་པའི་དྲ་བ་མ་ལུས་གཅོད་བྱེད་ཅིང་།། ཡེ་ཤེས་སྣང་བ་རྒྱས་པར་མཆེད་པར་བྱེད།། ཀུན་བྱེད
99a3 ང་ནི་རང་འབྱུང་ཡེ་ཤེས་ཏེ།། ང་ལས་མ་བྱུང་ཡེ་ཤེས་གཅིག་མེད་པས།། ཡེ་ཤེས་མ་ལུས་ང་ཡིས་བཀོད་པས་ན།། ང་ནི་ཡེ་ཤེས་རྒྱལ་པོ་ཞེས་སུ་བཤད།། ཉོན་མོངས་ཡེ་ཤེས་གསལ་བར་བྱེད་འདོད་ན།། ཀུན་བྱེད་ང
99a4 ཡི་ལུང་ནི་རྟོགས་པར་གྱིས།། ཞེས་གསུངས་སོ།། བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་ཡེ་ཤེས་བསྒྲིབ་པ་མེད་པར་རྟོགས་པའི་ལེའུ་སྟེ་དྲུག་ཅུ་བདུན་པའོ།། །། དེ་ནས་བྱང་ཆུབ་ཀྱི་སེམས་ཀུན་བྱེད
99a5 རྒྱལ་པོས་ལྷུན་གྲུབ་བཙལ་དུ་མེད་པར་རྟོགས་པ་འདི་གསུངས་སོ།། ཀྱེ་བ་ནི་སྟོན་པ་ཀུན་བྱེད་རྒྱལ་པོ་སྟེ།། ང་ནི་ལྷུན་གྲུབ་བཙལ་དུ་མེད་པ་ཡིན།། ང་ཡི་རང་བཞིན་ཁྱོད་ལ་བསྟན་པར་བྱ།། ཁྱོད་ཀྱིས་ང་ཡི་དོན་ལ
99a6 ལེགས་རྟོགས་ཤིག། ཀྱེ་ང་ནི་སྟོན་པ་ཀུན་བྱེད་རྒྱལ་པོ་སྟེ།། ང་ལས་བྱུང་བའི་སྟོན་པ་སྐུ་གསུམ་གྱིས།། ང་ཡི་རང་བཞིན་ཤིན་ཏུ་རྟོགས་དཀའ་བས།། སོ་སོའི་ཐབས་ཀྱིས་བཙལ་དུ་ཡོད་པར་བསྟན། དེ་ཡང་ཇི་ལྟར
iiif viewer powered by OpenSeadragon
