| e-texts navigator |
| Wylie |
98b1 བཞིན་ཏེ།། རང་རང་མོས་པའི་དོན་ལ་ཞེན་པའི་ཕྱིར།། ཀུན་བྱེད་ང་ཡི་འཁོར་དུ་འདུ་མི་བྱེད།། ཀྱེ་ཀུན་བྱེད་ང་ཡིས་འཁོར་ལ་ལུང་ཕོག་པ།། ཇི་ལྟར་སྣང་གྲགས་གནས་པའི་ཆོས་རྣམས་ཀུན།། མ་སྐྱེས་དེ་བཞིན་ཉིད
98b2 དུ་ཀུན་གཅིག་ཕྱིར།། སྒྲིབ་དང་མི་སྒྲིབ་ཆོས་སུ་གནས་མི་བྱེད།། དེ་ཕྱིར་ཡེ་ཤེས་སྒྲིབ་པར་ང་མ་འབྱེད།། སྒྲིབ་དང་མི་སྒྲིབ་ཆོས་སུ་རིས་མི་ལྟ།། མཐར་ཐུག་མེད་པའི་དོན་ལ་གྲངས་མི་བགྲང་།། རྒྱུ་དང་འབྲས་བུས
98b3 སྙིང་པོའི་དོན་མི་སྐྱེད།། ཀྱེ་སྟོན་པ་ཀུན་བྱེད་རྒྱལ་པོ་ང་ཡི་བཀའ།། སྐུ་གསུམ་སྟོན་པའི་ལུང་དང་མི་མཐུན་པས།། སྐྱེ་མེད་གཅིག་ལ་མཚན་མའི་གྲངས་མི་བགྲང་།། ཡུལ་ཤེས་མི་བལྟ་གཉེན་པོའི་ཚོགས་མི
98b4 བསྙེན།། རིག་དང་མ་རིག་སྐྱེ་མེད་དབྱིངས་གཅིག་པས།། གཅིག་ལ་གཉིས་འཛིན་མཚན་མའི་གྲངས་མི་འདེབས།། རྣམ་པར་མི་རྟོག་འདུ་ཤེས་ནང་མི་འཇོག། རེས་འཇོག་མ་ཡིན་དུས་གཅིག་ཀུན་མཁྱེན་པས།། དེ
98b5 ལྟར་སེམས་དཔའ་རྡོ་རྗེས་རྟོགས་པར་གྱིས།། ཀྱེ་སྟོན་པ་ཀུན་བྱེད་ང་ཡི་ཡེ་ཤེས་ཉིད།། བགྲང་དུ་མེད་ལ་བགྲང་ན་མཐའ་ལས་འདས།། ཆེ་བ་རེ་ལ་ཡེ་ཤེས་གྲངས་བསྟན་པས།། བརྗོད་པས་དེ་དག་མི་རྫོགས་ལུང
98b6 བསྟན་ཏོ།། ཀྱེ་ཀུན་བྱེད་རྒྱལ་པོ་ང་ཡི་ཡེ་ཤེས་ནི།། རྣམ་པར་མི་རྟོག་སྤྲོས་པ་ཀུན་དང་བྲལ།། རབ་ཞི་གདུལ་མེད་མཁའ་ལྟར་གནས་པ་སྟེ།། སྐྱེ་བ་མེད་པ་ཞེས་སུ་བསྟན་པ་ཡིན།། རང་འབྱུང་ཡེ་ཤེས་གཅིག་ལས་མ
iiif viewer powered by OpenSeadragon
